Շքեղ աղցան գրաֆ՝ ցանկացած տոնի համար․ Պահպանեք բաղադրատոմսը

Այսօրվա աղցանը նորություն կլինի Ձեր հյուրերի համար։ Անսովոր համային համադրությունները կհետաքրքրեն նույնիսկ ամենաքմահաճ հյուրերին: Աղցանը հարմար է ինչպես տոնական սեղանի, այնպես էլ ամենօրյա ճաշացանկի համար։

Անհրաժեշտ են հետևյալ բաղադրիչները․

  • Հավի միս 200 գ
  • պահածոյացված կանաչ ոլոռ 200 գ
  • մայոնեզ 150 գ
  • ճակնդեղ 150 գ
  • կարտոֆիլ 150 գ
  • ձու 3 հատ
  • մանուշակագույն սոխ 80 գ
  • սալորաչիր 80 գ
  • քացախ 1 ճ.գ
  • ջուր 70 մլ
  • շաքարավազ 1 ճ.գ
  • աղ 0,5 ճ

 

Պատրաստման եղանակը․

Նախապես խաշեք ճակնդեղը, կարտոֆիլը և ձուն։ Այս աղցանի մեջ հարմար կլինի հավի թե ազդրը, և թե կրծքամիսը։ Եթե ​​սալորաչիրը կոշտ է, մի քանի րոպեով թրջեք ջրի մեջ, եթե փափուկ է, կարող եք անմիջապես օգտագործել։ Մարինադը պատրաստեք աղով, շաքարավազով, քացախով և ջրով։ Սոխը մանր խորանարդիկներով կտրատեք, լցրեք  հեղուկի մեջ և թողեք 15 րոպե։ Առաջին շերտով լցրեք կարտոֆիլը։

Յուրաքանչյուր շերտի վրա պետք է քսեք մայոնեզ։ Հաջորդ շերտը մանրացված հավի միսն է, մայոնեզը, ապա մարինացված սոխը։ Հաջորդը կանաչ ոլոռի շերտն է, դրա վրա՝ մայոնեզը։ Ձվերն անցկացրեք քերիչով և շաղ տվեք ոլոռի վրա։ Սալորաչիրը մանր կտրատեք և լցրեք ձվի վրա։ Վերջնական շերտը խաշած և քերիչով անցկացված ճակնդեղն է։ Այս շերտի վրա ևս քսեք մայոնեզ և մի երկու ժամով դրեք սառնարանում։ Գրաֆ աղցան պատրաստ է։ Բարի ախորժակ։

Նյութը հրապարակման պատրաստեց ՆՈՐ ԻՆՖՈ-ն

Понравилась статья? Поделиться с друзьями: