Առաջարկում ենք ընթրիքին պատրաստել հավի բդիկներ՝ մեր առաջարկած բաղադրատոմսով: Ստացվում է ուղղակի անկրկնելի: Միսը եփվում է ջեռոցում, ստացվում է շատ նուրբ և յուրահատուկ:
Անհրաժեշտ բաղադրիչներ.
- 700գ հավի բդիկ
- 1ճ.գ. շաքարավազ
- 1ճ.գ. աղ
- 1 բաժակ ջուր
- 3 պճեղ սխտոր
- սև պղպեղ
Սկսում ենք պատրաստել.
- Հավի բդիկները լվանում ենք, չորացնում անձեռոցիկով և դնում փայլաթիթեղով ծածկված ջեռոցի տապակի մեջ:
- Կաթսայի մեջ լցնում ենք աղ և շաքարավազ: Դնում ենք կրակին և խառնում այնքան ժամանակ, մինչ այն կնմանվի կարամելի: Ավելացնում ենք եռման ջուրը և հասցնում եռման աստիճանի:
- Ստացված օշարակը լցնում ենք բդիկների վրա, նաև սև պղպեղ ենք ավելացնում:
- Բդիկների վրա ավելացնում ենք ճզմած սխտոր:
- Բդիկներն ուղարկում ենք 190 աստիճան տաքացրած ջեռոցը: Այն պատրաստ է լինում 30-40 րոպեից: Պատրաստվելու ընթացքում անհրաժեշտ է մի քանի անգամ սոուսը գդալով լցնել բդիկների վրա:
