Սննդաբան Լիլիթ Բասյանն Ինստագրամի իր էջում ընտրյալի հետ լուսանկար է հրապարակել, բայց ցույց չի տվել նրա դեմքը:
Tert.am Life-ի հետ զրույցում Լիլիթն առաջին անգամ խոսել է ընտրյալի և ընտանիք կազմելու ցանկության մասին:
Լիլիթի խոսքով՝ սիրելիին հանդիպելուց հետո տպավորություն է, կարծես, ամբողջ կյանքում ճանաչել է նրան:
«Իմ կյանքում կա մարդ, մեր հարաբերությունները շատ լուրջ են: Ես ընտանիք շատ եմ սիրում, երազում եմ մեծ ընտանիք ունենալու մասին։ Այնպես չէ, որ ուղղակի ընկեր կամ կողակից ունեմ, մենք պատրաստվում ենք ընտանիք ստեղծել»,- ասաց նա:
Անդրադառնալով անձնական կյանքը հանրայնացնելուն՝ Լիլիթը նշեց, որ երբեք հատուկ որևէ բան չի արել։ «Չեմ սիրում խաղալ հանրության համար, երբ ինձ հարց են տալիս, անկեղծ ու հանգիստ պատասխանում եմ: Չեմ անում մի բան, որը պետք է թաքցնեմ: Նորմալ է, որ երիտասարդ կինն ուզում է կրկին ընտանիք կազմել: Եթե ինձ պետք է քննադատեն ընտանիք կազմելու համար, թող քննադատեն»:
Նշենք, որ Ալեքսանդր Բաբասյանի և Լիլիթ Բասյանի ամուսնալուծության մասին հայտնի դարձավ 2019 թվականին։ Զույգը որդի ունի։
