Հայկական շոու բիզնեսի ներկայացուցիչներից ոմանք կարողացել են հաղթահարել ծանր հիվանդությունն ու իրենց տարբեր հարցազրույցերում անկեղծ խոսում են իրենց կյանքի այդ ծանր փուլի մասին՝ փորձելով դրանով օգնել և հուսադրել բոլոր նրանց, ովքեր տառապում են նույն հիվանդությամբ:
Armlady.am-ը ներկայացրել է հայկական շոու բիզնեսի այն կին ներկայացուցիչներին, ովքեր տառապել են ծանր հիվանդությամբ, սակայն չեն հուսալքվել են, պայքարել են իրենց կյանքի համար և կարողացել են հաղթահարել այդ հիվանդությունը:
Լրագրող Անի Քոչարը, ով տարիներ շարունակ բնակվում էր Գերմանիայում, արյան քաղցկեղ ուներ: Այս մասին Անին իր ֆեյսբուքյան էջում գրառում էր արել՝ խնդրելով իրեն բացակա չդնել: Անին բավական երկար ժամանակ հիվանդանոցային բուժում էր ստանում, քիմիաթերապիաներ ստանում, ինչը բավական դժվար էր մոդելի համար:
«Կային օրեր, երբ ես բաժակն անգամ բարձրացնել չէի կարողանում, մի կում անել չէի կարողանում, և ի վերջո, ուտել և խմել չէի կարողանում: Այդ պահերին կարծում ես, թե ամենն անդարձ կորած է…Եղել են օրեր, որ զգում էի՝ պարզապես սիրտս բաբախում է, ուղղակի ողջ եմ»,- խոստովանել էր Անի Քոչարը՝ նշելով, որ իրեն ապրելու ուժ էր տալիս իր որդին:
«Նրա համար կյանքի կռիվ էի տալիս, նրան մենակ թողնելու մտքից ավելի շուտ կմեռնեի, քան հիվանդությունից»:
Անիի խոսքով՝ բժիշկներն իրեն ասել էին, որ իր ախտորոշմամբ հիվանդները չեն ապրում, սակայն կյանքի հանդեպ մեծ սերն ու Աստծո հանդեպ հավատն օգնեցին Անիին երկարատև բուժումից հետո հաղթահարել այդ հիվանդությունը:
Հավելենք, որ Հայաստան վերադառնալուց հետո Անին գիրք է գրել իր հիվանդության և այն հաղթահարելու մասին՝«Հանձնվել չկա» վերնագրով:
«Գիրքը քաղցկեղի մասին չէ, այլ կյանքը շատ սիրելու, մեծ հավատով պայքարելու և երբեք չհանձնվելու մասին է: Չհանձնվել անգամ այն պահին, երբ թվում է, թե ամեն ինչ ավարտված է, երբ չգիտես՝ ևս մեկ լուսաբաց կդիմավորե՞ս, թե՞ ոչ։ Այս գիրքը ներարկելու է ապրելու շատ մեծ ցանկություն, անսասան հավատ և կյանքի ամեն րոպեն գնահատելու մղում»,- հարցազրույցներից մեկում ասել էր Անի Քոչարը:
Երգչուհի, ՀՀ վաստակավոր արտիստ Սյուզան Մարգարյանը ևս չի սիրում խոսել իր հիվանդության և այն հաղթահարելու մասին: Երգչուհին իր հիվանդությունը պարզաապեդ համարել է չարաբաստիկ՝ խոստովանելով, որ ինքը շատ դժվար է ենթարկվում վերջնական բուժման:
«Անակնկալ ձևով ինձ մոտ բավականին լուրջ հիվանդություն հայտնաբերվեց։ Ե՛վ Աստծուն եմ շնորհակալ, և՛ ճակատագրին, և՛ առաջին հերթին իմ դստերը, որովհետև Սիրուշոն ինձ ուղղակի ստիպողաբար ուղարկում էր բժշկի: Եթե այդ քայլը չլիներ, կարող է շատ բարդություններ լինեին: Բայց փառք Աստծո, ամեն ինչ բարեհաջող ավարտվեց»,- իր հարցազրույցներից մեկում խոստովանել է երգչուհին:
Երգչուհի Նառայի ծանր հիվանդության մասին միայն վերջերս հայտնի դարձավ: Երգչուհու մոտ նույնպես քաղցկեղ էր ախտորոշվել, ավելին՝ բժիշկներն անգամ հույս չէին տվել, քանի որ մետաստազներն արդեն տարածվել էին:
Շարունակությունը՝ սկզբնաղբյուր կայքում
