Սրճարանում աշխատող երիտասարդ աղջիկն աչքի վնասվածքով տեղափոխվել է հիվանդանոց։
Երեկ գիշեր Մալայանի անվան ակնաբուժական բժշկական կենտրոն է տեղափոխվել 27-ամյա մի աղջիկ, որն ապրում է Երևանում։
Sputnik Արմենիայի տեղեկություններով` նրա ձախ աչքի ակնագունդը վնասված է եղել։
Ըստ լուրերի՝ աղջիկը պրակտիկանտի կարգավիճակով աշխատում է Կենտրոն վարչական շրջանում գտնվող «Ատլանտիկ» սրճարանում։ Երեկ Վարդավառի կապակցությամբ մի երիտասարդ շշով ինչ-որ հեղուկ է լցրել աղջկա դեմքին, ինչի հետևանքով էլ նրա աչքը վնասվել է։
Մեր տեղեկություններով՝ ոստիկանները այդ երիտասարդին հայտնաբերել են և բերման ենթարկել բաժին։
Այժմ իրավապահները պարզում են, թե ինչ հեղուկով լցված շիշ է եղել տղայի մոտ։
Պարզվում են նաև դեպքի այլ մանրամասներ։
