ՍԻՐՈՒՆ ԱՂՋԿԱ «ԲԱԶԱՐ»՝ ԱԶԳԱՅԻՆ ԺՈՂՈՎՈՒՄ (ՏԵՍԱՆՅՈՒԹ)

ԱԺ-ում քննարկումներն ընթանում են լարված մթնոլորտում: Ընդդիմությունն ու իշխանությունը «սիրուն աղջկա բազար» են անում: Թեման բացեց «Լուսավոր Հայաստանի» պատգամավոր Անի Սամսոնյանը՝ հեգնելով կառավարությանն ու Քաղավիացիայի կոմիտեի նախագահ Տաթևիկ Ռևազյանին, թե մինչև հիմա այդ  սիրուն աղջիկը, որի մասին հիշատակել էր Էդմոն Մարուքյանը, գործ չի արել:

Նրա ելույթին արձագանքեց «Իմ քայլից» ԱԺ փոխխոսնակ Ալեն Սիմոնյանը՝ նշելով, թե ինքն, օրինակ, իրեն թույլ չէր տա Անի Սամսոնյանին ամբիոնին հրավիրել որպես «սիրուն աղջկա», քանզի դա նրա միակ արժանիքը չէ, ուստի խնդրեց զերծ մնալ նման արտահայտություններից: Այնուհետև այս թեմայով Անի Սամսոնյանի ելույթին անդրադարձավ «Իմ քայլի» պատգամավորներից Սուրեն Գրիգորյանը: Նա էլ անընդունելի համարեց Սամսոնյանի կողմից նման ոճի ելույթները՝ նշելով, որ եթե իր նկատմամբ այդ եզրույթը (սիրուն աղջիկ) չի կարելի օգտագործել, ինչո՞ւ է կարելի կառավարության պաշտոնյաների հանդեպ: «Եթե նեղվելու չի, սրանից հետո մենք էլ կասենք փայլուն ընդդիմություն ու սիրուն աղջիկ տիկին Սամսոնյան»,-զայրացավ «Իմ քայլի» պատգամավորը:

Տեղից արձագանքեց Սամսոնյանը, որին փորձեց լռեցնել Ալեն Սիմոնյանը՝ նրան հորդորելով մնալ դասական պատգամավորի շրջանակում:

Մանրամասն՝ տեսանյութում:

աղբյուր


Понравилась статья? Поделиться с друзьями: