mediainfo.am-ը գրում է․
«Փակ է իմ անձնական կյանքը եւ փակ է լինելու: Ինձ համար ամենաանընդունելի բանն այն է, որ քաղաքական գործիչը սկսում է պատմել… Միգուցե ես սխալ եմ։ Իմ անձնական կյանքն իմ փակ ամրոցն է, որտեղ ես, կներեք, բայց թույլ չեմ տալիս ներխուժել: Ես ունեմ հրաշալի ընտանիք’ հրաշալի աղջիկ, հրաշալի թոռնիկ (ես շատ երիտասարդ եմ ամուսնացել, աղջիկս էլ է շատ երիտասարդ ամուսնացել), բայց բացարձակապես չեմ սիրում խոսել իմ անձնական կյանքի մասին»,-ասել է նա իր հարցազույցներից մեկում։
«Թոռնիկս տղա է։ Շատ աշխույժ երեխա է: Բացարձակ այլ զգացողություն է երիտասարդ տարիքում մայր դառնալը, եւ հետո թոռնիկ ունենալը: Հիմա աշխատում եմ թոռնիկիս համար անել այն ամենը, ինչը գուցե եւ չեմ հասցրել անել աղջկաս համար»,-ասում է Նաիրա Զոհրաբյանը։
Նաիրա Զոհրաբյանի դստեր հարսանիքը տեղի է ունեցել 2010 թվականին:
Նա ամուսնացել է ՀՀ ԱԺ նախագահ Գալուստ Սահակյանի հարսի եղբոր հետ։
Ի դեպ, Նաիրա Զոհրաբյանի դստեր քավորը ԿԳ նախարար Արմեն Աշոտյանն է:
