Նիկոլ, դավաճան, ես քեզ իրավունք չեմ տալիս մասնակցել իմ որդու հոգեհանգստյան պատարագին, չհամարձակվես, նեռ․ Կարին Տոնոյան

«Հայ Ասպետ» կրթադաստիարակչական բարեգործական հիմնադրամի հիմնադիր-տնօրեն Կարին Տոնոյանը, ում որդին զոհվել է Արցախյան երկրորդ պատերազմում, ֆեյսբուքյան իր էջում գրառում է արել, որում վարչապետ Նիկոլ Փաշինյանին ասում է, որ նրան թույլ չի տալիս մասնակցել Արցախի պատերազմի նահատակների հոգեհանգստյան պատարագին, որը տեղի կունենա այսօր Էջմիածնում։

«Նիկոլ դավաճան, ես քեզ իրավունք չեմ տալիս մասնակցել իմ որդու հոգեհանգստյան պատարագին, չհամարձակվես, նեռ։

Այսօր Արցախյան պատերազմում Հայրենիքի պաշտպանության համար նահատակված հերոսների հիշատակի օրն է:

Մայր Աթոռի տեղեկատվական համակարգից տեղեկացնում են, որ Մայր Աթոռ Սուրբ Էջմիածնում այսօր՝ ժամը 13։30֊ին, տեղի կունենա զոհված նահատակ մեր հերոսների հիշատակի արարողություն»,– գրել է նա:

Նշենք, որ վարչապետի խոսնակ Մանե Գևորգյանն այսօր տեղեկացրել էր, որ վարչապետ Նիկոլ Փաշինյանն Էջմիածնում կմասնակցի Արցախի պատերազմի նահատակների հոգեհանգստյան արարողությանը։

Կարին Տոնոյայի որդին՝ Մենուա Հովհաննիսյանը, արժանացել է «Արցախի հերոս» բարձրագույն կոչմանը։

աղբյուր

Понравилась статья? Поделиться с друзьями: