Այսօր՝ հունվարի 14-ին՝ երեկոյան ժամերից, հանրապետության ողջ տարածքում տեղումները կդադարեն, և առաջիկա 3 օրերին բոլոր մարզերում սպասվում է առանց տեղումների եղանակ:
Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից։
«Հունվարի 15-ի ցերեկվանից սկսած մինչև 17-ը ներառյալ հարավ-արևմուտքից հանրապետություն կներթափանցեն արևադարձային տաք օդային հոսանքներ, ինչի արդյունքում օդի ջերմաստիճանը Լոռիում, Տավուշում և Սյունիքում կբարձրանա 12-16 աստիճանով, իսկ հանրապետության մյուս մարզերում, այդ թվում՝ Երևանում՝ 6-10 աստիճանով»,- ասվում է հայտարարության մեջ:
