«Վաղ առավոտյան գրեթե բոլոր ուղղություններով ադրբեջանական ԶՈՒ-ն՝ հրոսակախմբերի, վարձկանների հետ շարունակել են հարձակողական գործողությունները։ Մարտերը շարունակվում են քարտեզում նշված գյուղերի ուղղությամբ, նաև իրականացվում է դիվերսիոն խմբերի ոչնչացում այս գյուղերի մոտակայքում»,- այսօրվա ճեպազրույցում՝ ներկայացնելով իրավիճակը ռազմաճակատում, հայտնեց ՊՆ ներկայացուցիչ Արծրուն Հովհաննիսյանը։
«Այսօր, վաղ առավոտյան, Մարտունի քաղաքից հարավ, ադրբեջանական ԶՈՒ ստորաբաժանումները զրահատեխնիկայի օդուժի, հրետանու աջակցությամբ փորձել են հարձակում իրականացնել՝ կորցնելով մի քանի զրահատեխնիկա, զգալի թվով մարդկային ուժ՝ հետ են շպրտվել ելման բնագծեր, և ողջ օրվա ընթացքում մեր ստորաբաժանումները, հատկապես հրետանային կրակով, շարունակել են թշնամու ուժերի ոչնչացումը»,- շարունակեց ՊՆ ներկայացուցիչը։
