Թուրքական TRT Haber հեռուստաընկերության հետ զրույցում Ադրբեջանի նախագահ Իլհամ Ալիևը հայտարարել է, որ Թուրքիան անպայման պետք է ներկա լինի ղարաբաղյան հակամարտության կարգավորման գործընթացին:
«Թուրքիան ուժեղ պետություն է, մեծ պոտենցիալով, մեր հարևանը, Հայաստանի հարևանը, Հարավային Կովկասի հարևանը։ Այդ իսկ պատճառով, բնականաբար, Թուրքիան պետք է ակտիվ լինի այդ գործերում։ Հետագա խաղաղ գործընթացում Թուրքիան անպայման պետք է ներկա լինի»,- ասել է Ալիևը: Նա նաև հավելել է, որ խաղաղ գործընթաց կսկսի.- «Որքան շուտ, այնքան լավ, պատերազմը չի կարող հարատև լինել»,- ասել է նա:
