Երգիչ Արաբո Իսպիրյանը երեկ հայր է դարձել: Tert.am Life-ի հետ զրույցում հայրիկը հայտնեց, որ կինը` Նարինեն, իրեն դուստր է պարգևել: Երգիչն ասաց, որ երեխային տվել են Արմենուհի անունը` ի պատիվ իր մայրիկի:
Նորաթուխ հայրիկը երջանիկ է, սակայն անձնական կյանքի կարևորագույն իրադարձությանը վերաբերող այլ մանրամասներ հայտնել չցանկացավ։
Երգչի ընտանիքում մանկան ճիչը լսվեց ամուսնությունից մոտ մեկ տարի անց։ Արաբոն և Նարինեն պսակադրվել են 2017 թվականի օգոստոսի 10-ին: Զույգն իրար հավերժ սիրո խոստում էր տվել Երևանի Սուրբ Աննա եկեղեցում:
Երգչի կինը՝ Նարինեն, Գեղարքունիքի նախկին մարզպետ, ԱԺ ՀՀԿ–ական պատգամավոր Ռաֆիկ Գրիգորյանի դուստրն է։
աղբյուր
