Եթե դու քեզ այսպես պահես, քեզ կտանի հարևանի շունը, ատամների փերին և այլն․
Երեխայի համար հատկապես տհաճ է վախը քնելուց առաջ: Երեխաները չգիտես ինչու հավատում են մեծահասակներին, և քանի որ վստահորեն տեղեկացված եք տագնապալի երևույթի մասին, ամենայն հավանականությամբ, դա կարող է ինչ-որ բան նշանակել: Քունը դառնում է անհանգիստ՝ կա՛մ պատի հետևից սարսափ կինոնկարի հնչյունների պատճառով, կա՛մ ծնողի մարգարեության պատճառով: Նևրոզից ոչ հեռու: Ի դեպ, 4-ից 6 տարեկան նախադպրոցական տարիքի երեխան իռացիոնալ վախերի տարիք ունի։
Ես այդպես էլ հասկացա, թե որտեղից են գալիս քեզ այդ մտքերը․
Սա վտանգավոր ուղի է. Երեխաները ստեղծում են իրենց սեփական կերպարը` հիմնվելով այն բանի վրա, թե մենք ինչ ենք ասում նրանց: Շատ ավելի լավ է անընդհատ մատնանշել, որ սիրտը բարի է, գլուխը պայծառ է, ձեռքերը խելացի են, ոտքերը արագ … Հոգեբանության օրենքների համաձայն՝ այդպես կլինի:
Դե, մի լացիր, դու թուլամորթ չես․
Նման ծնողը չգիտի, որ երեխայի զգացմունքների ժխտումը կարղ է ավելի տհաճ հետևանքների հանգեցնել: Ամենալավ տարբերակը նրանց համար մխիթարելն ու վշտի պատճառը պարզելն է: Այս արտահայտության երկրորդ թերությունն այն է, որ այն ստեղծում է որոշակի ստանդարտի հասնելու անհնարինություն: Ասես այս չափանիշը ինչ-որ տեղ կախված էր և փայլում էր, երեխան պետք է հասներ դրան, բայց, ավաղ, նա լաց եղավ և խայտառակվեց:
Հայրդ ու ես ամեն ինչ միայն քեզ համար ենք անում… Մենք մեր ամբողջ կյանքը, ամբողջ գումարը նվիրել ենք քեզ
Շատերը կզարմանան, բայց ոչ ոք չի խնդրում որևէ մեկին իրենց կյանքը նվիրել: Այս բեռը չափազանց մեծ է ցանկացած չափի մարդու համար` իմանալ, որ ինչ-որ մեկը Ձեզ նվիրել է ամենաարժեքավորը: Հատկապես, եթե Դուք վճարելու ոչինչ չունեք: Նման առավելություններով մեղքի զգացումը խստորեն խայթում է երեխային և ուժեղ թունավորում է նրա կյանքը, ինչպես նաև Ձեր հարաբերությունները:
Օ՜ Աստված իմ․ Վերցրու քո կոնֆետները և հանգիստ թող ինձ․
Սա դժբախտ արձագանք է երեխայի խնդրանքին։ Բացի այդ, արտահայտությունն ինքնին այնքան կոպիտ է, որ ամոթալի է այդ կնֆետը տուն բերել: Երեխաները դա հաճախ են լսում: Պատկերացրեք, որ Ձեր ղեկավարը բարձրացնում է Ձեր աշխատավարձը այս բառերով:
Եհհ՜, երբ ես քո տարիքում էի ամբողջ դպրոցն էր վախենում ինձանից․
Չնայած այն հանգամանքին, որ ծնողները սովորաբար պարծենում են որոշ ապուշ բաներով, երեխաները ցանկանում են նմանվել նրանց, հատկապես, եթե նրանք անընդհատ շեշտում են «նմանության» կարևորությունը նման բառերով:
Մի փորձեք նրան համեմատել ուրիշի հետ
Մարդը կարող է և պետք է միայն համեմատվի իր հետ: Հակառակ դեպքում, մենք միշտ շրջապատված կլինենք ավելի հաջող ու պիտանի մարդկանցով: Երբ մենք նայում ենք այլ ընկերների, ովքեր ավելի շատ են բարձրացել տարբեր ոլորտներում, մենք դատապարտված ենք դիտավորյալ ձախողման: Մարդկությունը դեռ չի հորինել մի հերոսի, ով ամեն ինչում լավագույնը լիներ, ինչը նշանակում է, որ երեխան չի կարող դառնալ ամենալավը:
Համենայն դեպս, մենք արձակուրդ կմեկնենք և ինձ չի հետաքրքրում, թե ինչու չես ուզում գալ մեզ հետ
Երեխայի տրամաբանությունը հետևյալն է. «Եթե մայրիկիս չի հետաքրքրում իմ սպասելիքները, ապա դրանք իսկապես նշանակություն չունեն: Եվ եթե դրանք կարևոր չեն, ապա ես ինքս էլ ինչ-որ կերպ այդքան էլ կարևոր չեմ »:
Մինչդեռ հոգեբանության մեջ ընդհանուր առմամբ ընդունված է, որ ծնողները պետք է երեխաների մոտ հակառակ բաներ ձևավորեն, օրինակ՝ կյանքի հանդեպ հիմնարար վստահություն, սեփական արժեքի և նշանակության զգացում: Այնպես որ, ավելի լավ է վերաձևակերպել արտահայտությունը. «Գիտեմ, որ կցանկանայիր գնալ Դիսնեյլենդ, և քո կարծիքը շատ կարևոր է ինձ համար, բայց, ցավոք, մենք կարող ենք մեզ թույլ տալ գնալ ավելի համեստ տեղ»:
Նյութը հրապարակման պատրաստեց ՆՈՐ ԻՆՖՈ-ն
