Ոճաբան Քրիստոֆեր Հոփքինսը, որի մի քանի աշխատանքներն է ներկայացնում EnterTrain-ը, իսկական հրաշագործի նման կերպարանափոխում է հոգնած տնային տնտեսուհիներին՝ վերածելով նրանց նրբագեղ գեղեցկուհիների: Քրիստոֆերը մի կարևոր ուղերձ է ցանկանում հասցնել բոլորին. հիսունից հետո ցանկացած կին կարող է հրաշալի տեսք ունենալ:
Մի անգամ ոճաբանին այցելեց 52-ամյա այրի Մեգին: Ամուսնու մահից հետո նա ճնշված էր և դադարել էր հետևել իրեն: Երեխաները խնդրում էին մորը ոճաբանի դիմել, սակայն Մեգին կտրականապես հրաժարվում էր:
Ժամանակի ընթացքում կինը հանձնվեց և Քրիստոֆեր Հոփքինսի գեղեցկության սրահ այցելեց:
Ոճաբանը ոոշեց իսկական հրաշք գործել. ոճային կտրվածքի, մազերը ներկելու և արտահայտից դիմահարդարման միջոցով նա անճանաչելիորեն փոխեց Մեգիին:
Անհավատալի կերպարանափոխում է, համաձա՞յն եք:
Հաջորդ երջանիկը, որը հայտնվել էր Հոփքինսի ձեռքերում, 65-ամյա Մարսիան էր: Կինն ասում էր, որ իրեն 25 տարեկան է զգում, սակայն 90-ի տեսք ուներ: Մարսիան ցանկանում էր համապատասխանել իր տարիքին, սակայն չէր ուզում ներկել մազերը: Քրիստոֆերը հաշվի առավ նրա բոլոր ցանկությունները և փոխեց կերպարը բացառապես ոճային կտրվածքի շնորհիվ: Իսկ վերջում իհարկե նաև հաջող դիմահարդարում արեց:
Երբ մարսիան տեսավ իր արտացոլանքը հայելու մեջ, նա իր աչքերին չէր հավատում: Կինը խոստովանեց, որ վերջապես իրեն գեղեցիկ է զգում: Հիմա նա իրոք իր տարիքին էր երևում:
Վերջին հերոսուհին բացարձակ ժամանակ չէր տրամադրում իր խնամքին: 65-ամյա Կարենը իր ողջ կյանքը երեխաների դաստիարակությանն էր նվիրել, իսկ հետո՝ թոռների: Հիմա կինն ուզում էր իր վրա կենտրոնանալ: Բարեբախտաբար նա արհեստավարժ ոճաբանի մոտ ընկավ:
Քրիստոֆերը որոշեց կտրել Կարենի մազերը և ներկել արմատներն ավելի հագեցած գույնով: Կերպարին նա ավարտուն տեսք տվեց թեթև դիմահարդարմամբ: Իսկ վերջում թույլ տվեց, որ կինը հիանա իր տեսքով հայելու մեջ:
Նյութը հրապարակման պատրաստեց EnterTrain-ը