10 տարի առաջ այս աղմկահարույց պատմությունը ոգևորեց բոլորին: Չերնիգովցի կենսաթոշակառու Վալենտինա Պոդվերբնայան առաջին անգամ մայր է դարձել 65 տարեկան հասակում: Հետզհետե կրքերի ուժգնությունը հանդարտվեց, բայց շատերին դեռ հետաքրքրում է տարեց մոր և նրա դստեր կյանքը։
Վալենտինան երկու անգամ ամուսնացած էր, բայց երկու ամուսնություններում էլ երեխաներ չկային: Ծերությունը կնոջը վախեցնում էր միայնությամբ, և նա որոշեց ծայրահեղ միջոցների դիմել: Տեղեկանալով վերարտադրողական կլինիկայի մասին՝ Պոդվերբնայան պարզեց արհեստական բեղմնավորման գները և որոշեց հավաքել պահանջվող գումարը:
7 տարի շարունակ կինը կարտոֆիլ ու հաց էր ուտում: Հիմնական աշխատանքից հետո մեկ ուրիշ աշխատանքի էր գնում: Վերջապես, գումարը հավաքվեց, և Վալենտինան գնաց կլինիկա: Բժիշկները նրան հորմոններով բուժեցին, ապա արհեստական բեղմնավորման երեք փորձ կատարեցին: Երրորդ փորձը հաջող էր, և 2011-ի փետրվարի վերջին, կեսարյան հատման արդյունքում, լույս աշխարհ եկավ երեք կգ-ից քիչ ավելի քաշ ունեցող առողջ երեխա: Իսկ տարեց մայրն իր դստերն անվանեց Աննա Մարիա:
Ընտանիքին օգնող կամավորները նշել են, որ Պոդվերբնայայի խառնաշփոթ բնակարանում նույնիսկ անհրաժեշտ կահույք չկար նորածնի համար: Վալենտինան մանկաբույժին թույլ չի տվել ներս մտնել երեխայի մոտ, չի կերակրել կաթնային խառնուրդով և չի օգտագործել տակդիրներ: Ցանկացած եղանակին զբոսանքները տևում էին 2-3 ժամ: Ավելի ուշ աղջիկը մանկապարտեզ չի հաճախել: Ի դեպ, դստեր հասակակիցների հետ շփումը դեռ արգելված է, քանի որ նրանք կարող են «վատ բաներ» սովորեցնել:
Սոցիալական ծառայության աշխատակիցները մի քանի անգամ այցելել են Վալենտինային ստուգումների միջոցով, նույնիսկ փորձել են զրկել նրան ծնողական իրավունքներից, բայց համոզիչ պատճառներ չեն եղել: Հարևանները բողոքում էին կնոջ գռեհկությունից, բայց միևնույն ժամանակ չէին կասկածում դստեր հանդեպ նրա սիրո մեջ: Ժամանակին Վալենտինային կասկածում էին աղջկա ներգրավմամբ մուրացկանության մեջ, բայց դա չհաստատվեց: Անսովոր ընտանիքը պարբերաբար ընդունում է կամավորների օգնությունը` վերանորոգման և նոր կահույքի տեսքով: Վալենտինան և նրա դուստրը գտնվում են սոցիալական ծառայությունների և քաղաքային իշխանությունների վերահսկողության տակ:
Աննա Մարիան դպրոց գնաց: Եվ, չնայած ուսուցիչները վախենում էին աղջկա ագրեսիայից, նա հիանալի տիրապետում և իրեն լավ էր դրսևորում ուսման ընթացքում: Սկզբնական շրջանում Վալենտինան պատրաստվում էր իր դստեր հետ լինել դասարանում, բայց ուսուցիչները թույլ չտվեցին։ Հարցազրույցում Վալենտինան խոստովանում է, որ երազում է գյուղական տուն ունենալու մասին, որտեղ երեխայի համար խնձորի ծառ է տնկելու, ինչպես նաև ընտրյալ, ով իր հետ կիսելու է իր դստեր խնամքը:
Նյութը հրապարակման պատրաստեց ՆՈՐ ԻՆՖՈ-ն
