Կարծում ենք, եգիպտացորեն բոլորն են սիրում։ Արդյո՞ք գիտեիք, որ հնարավոր է եգիպտացորեն պահել նաև ձմռան համար՝ պատրաստելով դա տնային պայմաններում։
Եգիպտացորենի մարինացման համար չենք օգտագործում պղպեղ, դափնետերև և այլ համեմունքներ, որպեսզի պահպանվի բնական համը։
Այսպիսով, ահնրաժեշտ է․
- եգիպտացորեն՝ 10 հատ
- աղ՝ 3ճ․գ․
- շաքարավազ՝ 2ճ․գ․
- ջուր՝ ըստ ճաշակի
Ինչպես պատրաստել․
Հեռացնել եգիպտացորենի տերևները, թելիկները, կտրել պոչիկները։ Լվանալ հոսող ջրի տակ։ Դնել սրբիչի վրա և թողնել, որ չորանա։
Մաքուր ու չորացած եգիպտացորենը տեղավորել երկու հատ 3լ բանկաների մեջ։ Յուրաքանչյուր բանկայի մեջ 1․5 ճ․գ․ աղ և 1ճ․գ․ շաքարավազ լցնել։
Կաթսայի մեջ մաքուր ջուր լցնել, հասցնել եռման աստիճանի։ Լցնել բանկաների մեջ և ծածկել կափարիչով։
Այժմ բանկաները տեղավորել կաթսայի մեջ՝ մեջը նախապես սրբիչ դնելով։ Տաք ջուր լցնել կաթսայի մեջ և դնել կրակին։ Եռալու պահից սկսած սպասել կես ժամ։
Բանկաները հանել ջրից, հերմետիկ փակել, թափահարել, որ աղն ու շաքարավազը լուծվեն։ Թողնել, որ սառեն սենյակային ջերմաստիճանի ներքո։
Բարի ախորժակ։
