Խուսափեք «սուր» հոտերից․
Մասնագետների կարծիքով՝ մոծակները սիրում են սուր հոտեր, այնպես որ մոռացեք օծանելիքի, մարմնի անուշաբույր յուղերի, հոտազերծիչների և լաքերի մասին: Բացի այդ, այս միջատները հիացած են քրտինքի հոտով: Հետևաբար, ամռանը մարդու լավագույն «ընկերները» հիգիենան և թարմ հագուստն են:
Հագեք բաց գույնի հագուստ․
Մասնագետները խորհուրդ են տալիս ամռանը ընտրել բաց գույնի հագուստ, որն ընդգրկում է ամբողջ մարմինը՝ ներառյալ ձեռքերը, ոտքերը և պարանոցը: Հիշեք, որ մուգ գույները մոծակները ընկալում են որպես պոտենցիալ խորտիկ: Այս թեմայի շուրջ նույնիսկ ուսումնասիրություններ կան, որոնք ասում են, որ այս միջատների համար առավել գրավիչ գույնը կապույտն է:
Բացառեք ալկոհոլը․
Եթե հանկարծ որոշեք բնության գրկում ալկոհոլ օգտագործել, ապա դա իսկույն կդառնա մոծակների համար վստահ ազդանշան, քանի որ ալկոհոլը մարմնին ստիպում է ավելի շատ ածխաթթու գազ արտանետել, ինչը միջատները այնքան շատ են սիրում:
Ռեպելենտը բավականին արդյունավետ է․
Մասնագետները խորհուրդ են տալիս մարմնի բաց մասերը բուժել մոծակների դեմ քսուկներով: Այնուամենայնիվ, դրանց պարագայում պետք է հիշել, որ ամեն ինչ անհատական է: Ոմանց համար կարող են անօգուտ լինել: Լավագույն են այն միջոցները, որոնք պարունակում են դիէթիլթոլուամիդ՝ քիմիական նյութ, որը մշակվել է ԱՄՆ զինված ուժերի կողմից:
Խուսափեք ջրային տարածություններից և թփերից․
Եթե որոշել եք գնալ մի տեղ, որտեղ հնարավոր է՝ մոծակներ լինեն, ապա պետք է համոզվեք, որ մոտակայքում աղբյուրներ չկան: Փաստն այն է, որ նույնիսկ քիչ ջուրը կարող է դառնալ մոծակների բուծման տարածք։ Եթե այգում եք, դատարկեք ջրհորդանը, դատարկեք ջրի մնացորդները հին ծաղկամաններից:
Մոծակները չեն սիրում նարդոս, խնկունի, սխտոր և ցիտրուսային մրգեր․
Եթե ուզում եք ազատվել մոծակներից, ուրեմն ճիշտ որոշում կա. Ձեր շուրջը պետք է տեղադրել նարդոս, խնկունի, ռեհան, կիտրոնի բալասան, անանուխ: Կարող եք նաև տնկել նարգիզ: Բնակարանում անհրաժեշտ է բույսեր տեղադրել մուտքի մոտ, պատուհաններին, ինչպես նաև ցանկացած տեղերում, որտեղ Դուք կամ հյուրերը նստելու եք: Կան մարդիկ, ովքեր աճեցնում են մոծակների դեմ պայքարող հատուկ բույսեր: Բացի այդ, միջատները սխտորի սիրահար չեն: Այնպես որ, ազատ օգտագործեք այն ձեր ընթրիքին երեկոյան քայլելուց առաջ:
Սորճի հոտը վանում է մոծակներին․
Մասնագետները խորհուրդ են տալիս ափսեի մեջ սուրճի նստվածք ու փայլաթիթեղով ծածկել: Մոծակները չեն սիրում սուրճի հոտը: Նման պարունակությամբ ափսեն պետք է դնել մութ և զով տեղում, մինչև հեղուկը չորանա: Արդյունքում կստանաք սուրճի փոշի, որը կարող են վառվել և օգտագործվել որպես խունկ, որն իր հերթին կկանխի մոծակների կողմից Ձեզ «ուտելը»:
Մոծակները չեն սիրում ծուխ․
Եթե որոշեք կիրառել նախորդ խորհուրդը, ապա օգուտները կարող են կրկնակի լինել, քանի որ մոծակները չեն սիրում ոչ միայն սուրճ, այլ նաև ծուխ: Ի դեպ, այն պաշտպանում է նաև իշամեղուներից:
Երեկոյան պատուհանները փակ պահեք․
Մոծակներն առավել ակտիվ են արևածագի և մայրամուտի ժամանակ: Շատերը սովոր են երեկոյան պատուհաններ բացել` քնելուց առաջ սենյակը օդափոխելու համար, բայց եթե Ձեզ «անսպասելի հյուրեր» պետք չեն, ապա ավելի լավ է դա չանեք: Եթե, այնուամենայնիվ, չեք կարող առանց մաքուր օդի, ապա մասնագետները խորհուրդ են տալիս ձեռք բերել մոծակների ցանց: Պատուհանների, դռների և նույնիսկ ծովափի համար կան հատուկ ցանցեր:
Ինչպես բուժել մոծակների խայթոցների տեղերը․
Փորձագետների կարծիքով՝ առաջին հերթին պետք է թարմ վարունգի կտորներ դնել խայթոցի տեղերում: Թուքը կարող է նաև նվազեցնել քորի առաջացումը և վարակի ռիսկը: Նման հատկություններ ունի նարդոսի յուղը:
Դուք չեք կարող քորել խայթոցի տեղը, նույնիսկ եթե իսկապես ցանկանում եք, դա միայն ավելի կվատթարացնի: Արժե նաև զով ջուր ցանել խայթոցի վրա կամ)օգտագործել հովացնող բալասան: Կարող եք նաև մի բաժակ տաք ջրի մեջ մի գդալ աղ նոսրացնել և տուժած տարածքը թաթախել ջրի մեջ: Հիանալի կերպով օգնում է խնձորի քացախը, մեղրը կամ կարտոֆիլի ալյուրը:
Կարող եք նաև թեթևացնել այտուցն ու քորը դեղատներում առկա սովորական հակահիստամինային միջոցներով: Նրանք մեղմացնում են մարմնի արձագանքը խայթոցներից:
Նյութը հրապարակման պատրաստեց ՆՈՐ ԻՆՖՈ-ն