Կյանքում կան շրջաններ, երբ թվում է, որ այլևս ելք չկա, երբ խնդիրները թվում են անլուծելի, երբ մարդն իրեն դժբախտ է զգում: Խնդիրներ բոլորն ունեն, և երջանկությունը դա ոչ թե դժվարությունների բացակայությունն է, այլ դրանք լուծել կարողանալը:
Կարդացեք այս տողերը, երբ հուսահատված եք, և թեթևություն կզգաք:
Ցավը նպաստում է անձնական աճին: Երբեմն կյանքը փակում է բոլոր դռները և թվում է առաջ շարժվելու տեղ այլևս չկա: Եվ հենց այդ հանգամանքների ճնշման ներքո, մարդը սկսում է գործել, ելք փնտրել:Երբ ծանր շրջան է սկսվում հիշեք, որ դրանից պետք է դասեր քաղել , այլ ոչ թե հուսալքվել ու հանձնվել: Դա չի նշանակում, որ դուք պարտվել եք, Դա նշանակում է, որ եկել է ժամանակը համբերատար լինելու և դանդաղ ու ծանր քայլերով առաջ գնալու, ամեն ինչ կկարգավորվի: եվ հիշեք, որ կա երկու տեսակի ցավ, ցավ, որը ցավ է պատճառում և ցավ, որը փոխում է էությունը ու օգնում է զարգանալ:
Կյանքում ամեն ինչ ժամանակավոր է: Ամեն անգամ, երբ ինչ որ բան ցավ է պատճառում, ժամանակը բուժում է այդ վերքը, ամեն անգամ, երբ մութն ընկնում է, առավոտյան բացվում է արևը, թունելի վերջում, միշտ էլ լույս է երեևում: Ոչինչ այս կյանքում հավերժ չէ: Եթե լավ ժամանակներ են, ապա վայելեք, եթե ամեն ինչ վատ է, մի անհանգստացեք, վաղ թե ուշ դա էլ կանցնի:
Հուզումները, դժգոհությունները ոչինչ չեն փոխի: Նրանք, ովքեր շարունակ տրտնջում են ու դժգոհում, շատ քիչ բանի են հասնում: Պետք է շարունակել գործել, նույնիսկ, եթե արդյունքը գոհացուցիչ չի լինում: Հավատացեք ձեր ուժերին և առաջ շարժվեք: Այսօրվա գանգատները, վաղվա օրը չեն դարձնելու ավելի լավը և ավելի պայծառ: Փոփոխություններ կատարեք ձեր կյանքում, ձեռքերը ծալած մի նստեք: Երջանկությունը հասանելի կլինի այն պահից, երբ դադարեք գանգատվել, դժգոհել, և շնորհակալ լինեք այն ամենի համար, ինչ ունեք: Իսկ դուք քիչ բան չունեք, լավ նայեք ձեր շուրջը:
Նույնիսկ ամենափոքր պայքարը մեկ քայլ առաջ է տանում: Չնայած անհաջողություններին և տարաձայնություններին շարունակեք պայքարել, դա կտա ցանկալի արդյունքը, ամեն քայլի հետ դուք ձեզ ավելի լավ կզգաք, և կհասկանաք, որ պայքարը, ոչ թե խոչընոտ է, այլ ուղի, որը պետք է անցնել:
Շրջապատի վատ վերաբերմունքը դա Ձեր խնդիրը չէ: Եթե ձեզ վատ են վերաբերվում, ապա ժպտացեք և անցեք առաջ, Ժպտացեք, երբ ուրիշները փորձում են ձեզ կոտրել, նրանք չեն անցնում ձեր ճանապարհը, նրանք չեն ապրում ձեր փոխարեն, եթե ձեր մասին վատ են խոսում, շարունակեք մնալ այնպիսին, ինչպիսին որ կաք: Երբեք նրանց որևէ բացասական խոսքը չպետք փոխի ձեր էությունը: Մի մտածեք, որ նրանք վատ են վերաբերվում Ձեզ, որովհետև արժանի եք դրան կամ այդպիսին եք, պարզապես նրանք այդպես են վերաբերվում, որովհետև լավ վերբերվելու ունակություն չունեն: Երբեք մի փոխեք ձեր էությունը ուրիշներին դուր գալու համար:
