Մաշկի գրգռում (կարմրություն, պզուկներ).
Քերիչով անցկացրեք փոքր քանակությամբ օճառ, ավելացրեք մի փոքր եռացրած ջուր և մանրակրկիտ խառնեք սափրվելու խոզանակով, մինչև փրփուր ձևավորվի: Այնուհետև ստացված փրփուրից մեկ ճաշի գդալ խառնեք մեկ թեյի գդալ աղի հետ: Ստացված խառնուրդը քսեք նախապես մաքրված մաշկին: Կարող է մի փոքր այրող զգացողության առաջանալ: Սա հուշում է, որ սկսվել է մաշկը մանրէներից մաքրելու գործընթացը: Դիմակը լվացեք գոլ ջրով:
Դեմքի պիլինգ.
Այս մեթոդը շատ տարածված էր դեռ Խորհրդային Միությունում: Անհրաժեշտ է լվացքի օճառն անցկացնել քերիչով: Ավելացրեք մի քիչ տաք ջուր: Փրփրացրեք սափրվելու խոզանակով: Քսեք մաքրված մաշկին: Մաքրեք կալցիումի քլորիդի մեջ խոնավեցված բամբակով: Այս ընթացակարգից հետո Ձեր դեմքը կփայլի նորովի:
Մազերի ամրացում.
Հին ժամանակներից ի վեր լվացքի օճառը գործնականում միակ լավագույն միջոցն էր մազաթափության և փխրունության, ինչպես նաև թեփի դեմ: Խորհուրդ է տրվում այն անընդհատ օգտագործել թանկարժեք շամպունի փոխարեն, որն, անշուշտ, չի օգնում մազերին վերականգնել, այլ, ընդհակառակը, միայն վնասում է դրանց: Լվացքի օճառ օգտագործելուց հետո կտեսնեք, թե ինչպես են Ձեր մազերն աամրապնդվում, նոր մազեր հայտնվում, իսկ թեփը վերանում: Ոչ անմիջապես, բայց երկու շաբաթից կազատվեք թեփից:
Գրգռում մազահեռացումից հետո.
Մաշկի բորբոքված հատվածները լվացեք լվացքի օճառով և ապա տաք ջրով:
Ատամի խոզանակի ախտահանում.
Լվացեք ատամի խոզանակը լվացքի օճառով: Թողեք մինչև առավոտ: Լվացեք ծորակի տակ և բոլոր մանրէները կոչնչացվեն:
Այտուցների և կապտուկների հեռացում.
Նոսրացրեք լվացքի քերած օճառը տաք ջրի մեջ և նրբորեն քսեք այն կապտուկին: Մենք կրկնում ենք ընթացակարգը օրական մի քանի անգամ, մինչև այտուցը լիովին անհետանա:
Թարախակույտերի բուժում.
Լվացքի օճառն ու սոխն անցկացրեք քերիչով: Հավասար համամասնությամբ խառնեք շաքարավազի հետ: Քնելուց առաջ պատրաստված մածուկը քսեք վնասված հատվածներին: Առավոտյան կզարմանաք, տեսնելով մաքուր վերքը:
Այրվածքների դեպքում.
Անհրաժեշտ է անհապաղ օճառը փրփրել այրված հատվածի վրա և մի փոքր սպասել, մինչև օճառը չորանա: Այնուհետև մանրակրկիտ լվացեք հոսող ջրի տակ:
Կրունկների ճաքեր.
2 լիտր տաք ջրին ավելացրեք 1 թեյի գդալ խմորի սոդա, 1 ճաշի գդալ քերած լվացքի օճառ: Ոտքերը դրեք այս լուծույթի մեջ և պահեք կես ժամ: Այնուհետև քսեք փափուկ պեմզա քար և մանրակրկիտ լվացեք Ձեր ոտքերը:
Նյութը հրապարակման պատրաստեց ՆՈՐ ԻՆՖՈ-ն
