Առաջարկում ենք իմանալ, թե ինչ սխալներ է գործում կանանց մեծամասնությունը: Սա իմանալու և նույնը չկրկնելու համար երբեք ուշ չէ:
Լոլիկը մյուս բանջարեղենից շուտ մի լցրեք շոգեխաշվելու
Լոլիկը պետք է ավելացնել մյուս բանջարեղենին միայն վերջում, այլապես դրանց մեջ պարունակվող թթուն կարգելակի բանջարեղենի եփվելը: Առաջին հերթին պետք է շոգեխաշել գազարը, սոխը, բուլղարական պղպեղը, և միայն վերջում ավելացնել լոլիկը:
Մի լվացեք մակարոնը եփելուց հետո
Եթե պատրաստում եք պաստա, մակարոնի վրա մնացած կրախմալը անթերի կներծծի տոմատի սոուսը, և համը, բնականաբար, ավելի լավը կլինի: Մի գնեք ամենաէժան մակարոնեղենը, ընտրեք ցորենի պինդ տեսակներից պատրաստվածը:
Սկզբում աղ մի ավելացրեք արգանակին
Եթե արգանակին շուտ լցնեք աղը, կարող եք սխալվել, քանի որ ջուրը գոլորշիանում է, և ապուրը աղի է ստացվում:
Բլենդերով մի հարեք կարտոֆիկի պյուրեն
Եթե կարտոֆիլը հարեք բլենդերով, կստացվի ոչ թե փափուկ և համեղ պյուրե, այլ սոսնձանման զանգված:
Պիցցային շատ միջուկ մի լցրեք
Այդպես խմորը կարող է հում մնալ, բացի այդ պիցցան ուտելը հարմար չի լինի:
Չի կարելի սոխը նախապես մանրացնել
Երկար ժամանակ կտրատված սոխը դառնահամ է ունենում: Ցանկալի է կտրատել այն անմիջապես պատրաստելուց առաջ:
Չի կարելի սոդան մարել քացախով
Այդ դեպքում մենք կորցնում ենք ածխաթթու գազը, որը ցրվում է օդի մեջ, և արդյունքում խմորը փքուն չի ստացվում:
