Սիրելի իմ սկեսուր: Ձեզ գրում եմ ես՝ Ձեր ոչ կատարյալ հարսը՝ վատ մայրը, անհասկացող կինը և ոչնչությունը: Կին, ով չի կարող հագնվել հարյուր ռուբլով, ով Ձեր հիանալի նվերները բաժանում է գործընկերներին և հարևաններին, ով ամբողջ սրտով ատում է «Դատաստանի ժամը» հեռուստաշոուն, և ում հետ Ձեր որդին ապրում է արդեն մի քանի տարի: Մի խոսքով, այդ ես եմ:
Մենք երբեք չենք սիրել իրար: Եկեք անկեղծ լինենք. մեր միջև զինադադար էր կնքվել միայն այն պատճառով, որ ես և ամուսինս առանձին ենք ապրել: Ցավոք սրտի, այդ անհոգ օրերն ավարտվեցին, և ստիպված եք Ձեր սառնարանը կրկին կիսել ինձ հետ:
Բայց գիտե՞ք, ես պատրաստվում եմ երախտագիտությունս հայտնել: Տեղափոխվելով Ձեզ մոտ՝ հերթական անգամ ես հասկացա, որ պարտական եմ Ձեզ՝ Ձեր գործած սխալների համար:
Ձեր որդուն դաստիարակելով՝ իրար հետևից սխալներ էիք թույլ տալիս: Մերժում էիք նրան անգամ ամենատարրական բաներում: Եվ երբ նա մեծացավ, իր համար գտավ այնպիսի մի կին, ումից կարող էր ստանալ այն ամենը, ինչի կարիքը զգում էր: Նրան սիրեց և ամուր ընտանիք կազմեց:
Ինչպիսի՞ սխալներ: Ուզո՞ւմ եք զարմացնեմ Ձեզ:
Դուք շարունակ ծիծաղում էիք նրա հետաքրքրությունների վրա:
Ես շատ լավ եմ հիշում, թե ինչպես փռթկացրիք, երբ տեսաք, որ Ձեր քսանամյա որդին ինքնաթիռի մանրատիպար է հավաքել: Նա դրանից շատ վիրավորվեց, բայց հոնքերին չարեց:
«Խաղալիքներով ես խաղում»,- ասացիր նրան տասնհինգ տարի առաջ:
Ես, թեև ոչ միանգամից, բայց ընդունեցի նրա բոլոր հետաքրքրությունները՝ և՛ ձկնորսությունը, և՛ խորդուբորդ ճանապարհներով մեքենա վարելը, և՛ համակարգչային խաղերը, և՛ էլեկտրական սկուտերը, և՛ մոդելավորում: Եվ ես երբեք թույլ չէի տա ինձ նման դիտողություններ անել:
Դուք թույլ չէիք տալիս Ձեր որդուն ղեկավարել:
Մայրն ավելի լավ գիտի: Իհա՛րկե, ձախողված ամուսնությամբ կինն ավելի շատ բան գիտի և շատ բան կարող է անել: Հեշտությամբ կլռեցնի ցանկացած տղամարդու:
Պարզապես պետք չէր թռչել Ձեր չափահաս որդու վրայով: Նա կսլանա այնտեղ, որտեղ վճռորոշ կլինի իր խոսքը:
Դուք չեք աջակցում նրա նախառեռնություններին:
Փորձեք հիշել, թե ինչպես արձագանքեցիք, երբ իմացաք, որ Ձեր որդին պատրաստվում է տուն կառուցել: Այն թանկ արժե և հասանելի է միայն հարուստներին, իսկ դու … դու ոչինչ ես: Դա էր Ձեր պատգամը:
Ես հավատում եմ քո ուժերին: Դու հաջողության կհասնես: Կեցցե՛ս: Ծանո՞թ են Ձեզ այս բառերը:
Դուք շնորհակալություն չեք հայտնում Ձեր որդուն:
Դուք պատմել եք, որ նախկինում նույն երազը հաճախ էիք տեսնում: Իբր Դուք արքայադուստր եք և ապրում եք դղյակում: Բայց այդպես էլ կա: Դուք արքայադուստր եք, բոլորը պարտավոր են ծառայել Ձեզ, կանխատեսել Ձեր ցանկությունները, հմայվել Ձեզնով: Դուք ապերախտ եք և հազվադեպ եք շնորհակալություն հայտնում Ձեզ ծառայողներին:
Ձեր կարծիքով՝ ես մի հասարակ անգրագետ գեղջկուհի եմ: Այնուամենայնիվ, ես գիտեմ մի բառ, որը գերբնական ուժ ունի, և այսօր ես ուզում եմ դրանով դիմել Ձեզ.
Շնորհակալություն: Շնորհակալություն Ձեզ: Շնորհակալ եմ Ձեր գործած սխալների համար:
Նյութը հրապարակման պատրաստեց՝ ՆՈՐ ԻՆՖՈ-ն