Ամիսներ առաջ կյանքից հեռացավ «Բանակում» սերիալից հայտնի դարձած, երգիչ Գոռ Հարությունյանի եղբայրը՝ Գագիկը։
Գոռը, MediaHub-ի տաղավարում պատմել է եղբոր կյանքի վերջին օրերի ու իր ապրումների մասին՝ չկարողանալով զսպել արցունքները։
«Ես իրեն բացակա չեմ դրել, ինքը կա, մեզ հետ է, բայց անդառնալի ցավ է եղբորս կորուստը։
Շատ պատահական ստացվեց, իր կինն ու երեխաներն այստեղ էին, ինքը պետք է գար։ Ես հետ եմ եկել Կրասնոդարից, մի տասը օր հետո իր հետ խոսեցի, ասաց՝ լավ չի զգում։
Տղաներին ուղարկել եմ իրենց տուն, տարել են հիվանդանոց և այդ վատ դեպքը եղավ։ Ես հասցրել եմ իրեն տեսնել, բայց հիվանդանոցում։
Ես չէի ասի, որ վերքը սպիանում է, գնալով ավելի է ցավեցնում։ Կյանքը շարունակվում է, փորձում ես ապրել, ես չեմ էլ ցանկանում, որ ինձ հասկանան, չեմ ուզում։ Ավելի ես սկսում կարոտել»,- նշել է Գոռը։
