99-ամյա Լիլիան Վեբերը, ում արդեն «Բարի Սամարացի» անվամբ են կնքել, ամեն օր կարում է հագուստ այն երեխաների համար, ովքեր դրա կարիքը ունեն: Վերջին տարիների ընթացքում սկսել է հագուստներ կարել Աֆրիկայի կարիքավոր երեխաների համար:
Տատիկը հույս ունի, որ յուրաքանչյուր երեխա, ով կկրի իր կարած հագուստը, իրեն հպարտ կզգա: Տատիկը նպատակ ունի կարել 1000 զգեստ:
Չնայած արդեն հարգված տարիքին, կինը զբաղվում է օրեկան 3 ժամ կարով: Ավելին, նա ձգտում է յուրաքանչյուր զգեստ յուրահատուկ դարձնել, տարբերվելով բոլոր մյուսներից, որպեսզի փոքրիկները կարողանան դրսևորվել և առանձնահատուկ զգալ իրենց:
Լիլիան համագործակցում է քրիստոնեական կազմակերպության ՝ «Little Dresses for Africa»- ի հետ, որն իր մեջ ներառում է կամավորներ ոչ միայն Միացյալ Նահանգներից, այլև աշխարհի մի շարք այլ երկրներից: Նրա նշանաբանն է. «Մենք աֆրիկյան աղջիկներին ուղարկում ենք ոչ միայն զգեստներ, այլև նրանց հույս ենք տալիս»:
Նյութը հրապարակման պատրաստեց՝ ՆՈՐ ԻՆՖՈ-ն