Մինչև 25 տարեկանը երիտասարդներն ամենից հաճախ չգիտեն, թե ինչ են ուզում, այս տարիքից հետո գալիս է ակտիվ ձեռքբերումների տասնամյակը։ Իսկ 35 տարեկանում ինքնավստահությունը նվազում է շատ խնդիրների պատճառով։
Խնդիրներ հարաբերություններում, աշխատավայրում կամ առողջության հետ կապված։ Այս բոլոր գործոնները լրջորեն ազդում են ինքնագնահատականի և անձնական հաջողության զգացման վրա: Այս տեսակետը արտահայտել է պրակտիկ հոգեբան Օլգա Էլիսեևան։ Նա նշել է, որ մինչև 25 տարեկանը երիտասարդներն ամենից հաճախ չգիտեն, թե ինչ են ուզում։ Սակայն 25-ից 35 տարեկանում սկսվում է ակտիվ ձեռքբերումների շրջան։
«Ամենից հաճախ այս տարիքի մարդիկ արդեն իսկ կողմնորոշված են իրենց մասնագիտությամբ, ընտանիքով և հասարակության մեջ իրենց դիրքի գիտակցմամբ: Նրանք դեռ շատ ուժ, ժամանակ, էներգիա և փառասիրություն ունեն, ուստի ամենից հաճախ ամեն ինչ ստացվում է: «Հաջողություն» հասկացությունը նրանք գնահատում են որպես «ամենուր ժամանակին լինելու» կարողություն,- պարզաբանեց մասնագետը։
Այնուամենայնիվ, 35 տարին շրջադարձային է, երբ իր նպատակներին հասնելու համար մարդը կարող է հանկարծակի հասկանալ, որ մոռացել է, թե ինչպես պետք է վայելի իր կյանքը: «Մարդիկ սկսում են մտածել կյանքի իմաստի և նպատակի մասին։ Հարց են տալիս իրենց. «Ի՞նչ կմնա ինձանից հետո։ — նշում է փորձագետը։ Հետևաբար, ինքնավստահության նվազումը 6%-ով, որը նշել են փորձագետները այս տարիքակիցների մոտ, միանգամայն բնական է։
Նյութը հրապարակման պատրաստեց ՆՈՐ ԻՆՖՈ-ն
