Ամերիկուհի Մոնիկա Ռայլին երազում էր պատմության մեջ լիներ որպես Երկիր մոլորակի ամենածանր կինը։ Ի տարբերություն Գինեսի ռեկորդների գրքում գրանցված այլ մարդկանց մարմնի ամենամեծ քաշին Մոնիկան ինչ-որ անբուժելի հիվանդությամբ չէր տառապում։ Նա նպատակաուղղված կերպով էր անում դա, քանի որ ուզում էր հայտնի դառնալ։
Մանկուց հակված լինելով մի փոքր ավել քաշի, Մոնիկան որոշեց օգտագործել իր ֆիզիոլոգիական այս հատկանիշը թե՛ փառքի, թե՛ փող աշխատելու համար։ Մոնիկայի ամուսինը՝ Սիդը, որոշել է աջակցել սիրելիին ու ամեն կերպ օգնել նրան։
Նա նրան ոչ միայն շատ բարձր կալորիականությամբ սնունդ էր տալիս, այլև պատրաստում էր հատուկ սպիտակուցային կոկտեյլներ, որոնք ձագարով լցնում էր անմիջապես նրա կոկորդը։ Մոնիկայի մայրը, ի տարբերություն ամուսնու, չափազանց բացասական էր վերաբերվում այս վտանգավոր հոբբիին։ Բայց նա չէր կարողանում կանգնեցնել աղջկան:
Մոնիկան մեծ աջակցություն էր ստանում սոցիալական ցանցերի հազարավոր հետևորդներից, որոնք անընդհատ հորդորում էին նրան շարունակել նման տարօրինակ ցանկությունը: Ի վերջո Մոնիկան կարողացավ իր քաշը հասցնել 317 կգ-ի։ Բայց նա չէր պատրաստվում կանգ առնել դրա վրա, քանի որ ցանկացել էր հասնել 400 կգ-ի։
Նա գիտեր, որ ի վերջո նման հսկայական քաշի պատճառով չի կարողանա քայլել, անընդհատ գամված կլինի անկողնուն։ Բայց նման հեռանկարը միայն գրավում էր աղջկան, քանի որ նա վստահ էր, որ այդ կերպ նա իրեն «թագուհի կզգա»։ Մոնիկան երազում էր նաև մայր դառնալ, թեև խիստ կասկածում էր։ Երկու անգամ նրան հաջողվել էր հղիանալ, սակայն երկու դեպքն էլ ավարտվել էին վիժումներով։
Բայց երրորդ հղիության հետ առողջ դատողությունը վերադարձավ Մոնիկայի մոտ: Ուլտրաձայնային հետազոտության վրա տեսնելով իր երեխայի նկարը՝ աղջիկը հանկարծ հասկացավ, որ այժմ պետք է ամեն ինչ անի առողջ երեխա լույս աշխարհ բերելու համար։
Եվ նա հրաժարվեց հետագա քաշի ավելացումից։ Հղիության ընթացքում նրան հաջողվել է զգալիորեն նիհարել, սակայն ծննդաբերությունը, այնուամենայնիվ, ժամանակից շուտ է տեղի ունեցել։ Վաղաժամ ծնված աղջիկը որոշ ժամանակ եղել է բժիշկների հսկողության տակ:
Տեսնելով իր երեխային այդ վիճակում՝ Մոնիկան անընդհատ լաց էր լինում։ Եվ նա որոշեց, որ այժմ ամեն ինչ կանի առողջությունը պահպանելու և դստեր համար վատ օրինակ չծառայելու համար։ Աղջիկը ի վերջո ողջ մնաց և սկսեց մեծանալ լիովին առողջ:
Այժմ Մոնիկան իրեն երջանիկ մայր է զգում։ Նա շարունակում է ակտիվ լինել սոցցանցերում։ Ինստագրամի իր էջում նա իր ու սիրելի դստեր բազմաթիվ լուսանկարներ է հրապարակում։ Մոնիկային հաջողվել է ազատվել ավելորդ կիլոգրամներից, բայց նա մտադիր չէ իր մարմինը բերել սլացիկ վիճակի, քանի որ նա և իր ամուսինը սիրում են նման կազմվածք:
Նյութը հրապարակման պատրաստեց ՆՈՐ ԻՆՖՈ-ն
