Ամոնիակը (սովորաբար 10%) պարունակությամբ այսօր վաճառվում է գրեթե ցանկացած դեղատան: Իսկ դա, ինչպես սոդան, կարող է անփոխարինելի օգնական դառնալ տնային տնտեսությունում։ Բայց մինչ օգտագործելը մենք խորհուրդ ենք տալիս հիշել մի քանի կանոնների մասին.
Ամենակարևորը, երբեք մի խառնեք ամոնիակը սպիտակեցնող նյութի հետ: Այս բաղադրիչներն անմիջապես արձագանքում են՝ վերածվելով թունավոր գոլորշիների։ Ամոնիակը կարող է առաջացնել մաշկի և լորձաթաղանթների գրգռվածություն: Ուստի օգտագործման ժամանակ կարևոր է ձեռնոցներ կրել, իսկ հետո օդափոխել սենյակը։
Կենցաղում ամոնիակի օգտագործման 5 արդյունավետ եղանակներ․
Ճարպերի մաքրում․
Համաձայն եմ, որ վառարանից կամ ջեռոցից ճարպերի մաքրումը ևս մեկ խնդիր է։ Հատկապես եթե ճարպն ու մուրը կուտակվել են ամիսներով։ Ամոնիումի հիդրօքսիդի լուծույթը իդեալական է նման բծերի դեմ: Դրա համար մեծ ավազանի մեջ լցրեք 5 լիտր տաք ջուր, ապա ավելացրեք 100 մլ ամոնիակ, միջոցը լավ խառնեք և քսեք յուղոտ մակերեսների վրա։ Թողեք 20-25 րոպե, այնուհետև լվացեք մաքուր ջրով, որպեսզի ալկոհոլի հետքեր չմնան։
Միջատների խայթոցից հետո քորի վերացում․
Եթե Ձեզ խայթել են մոծակները, մրջյունները կամ այլ միջատներ, ապա բամբակը թրջեք ամոնիակի մեջ և քսեք վնասված հատվածի վրա։ Այնուամենայնիվ, զգայուն մաշկի դեպքում ավելի լավ է վտանգի չդիմել և օգտագործել խանութից գնված հատուկ ապրանքներ:
Ապակե մակերեսների մաքրում․
Հավատացեք, որ հայելիները և պատուհանները ամոնիակով մաքրելուց հետ կփայլեն նորի պես: Դրա համար խառնեք մեկ ճաշի գդալ սպիրտ և 2 բաժակ ջուր։ Լուծույթը լցրեք հեղուկացիր շշի մեջ: Ստացված խառնուրդը ցողեք մակերեսի վրա և սրբեք փափուկ կտորով։
Տհաճ հոտերի դեմ․
Եթե ժամանակն է ազատվել սառնարանի տհաճ հոտերից, ապա դարակները սրբեք սովորական ջրի և ամոնիակի խառնուրդով։ Բաղադրատոմսը պարզ է՝ 1 ճաշի գդալ 1 լիտր սառը ջրի դիմաց։ Դրանից հետո ամեն ինչ ողողեք մաքուր ջրով և մի քանի ժամ թողեք սառնարանը բաց վիճակում, որպեսզի ալկոհոլի հոտը վերանա։ Նման լուծույթը նաև հիանալի կերպով հեռացնում է օճառի նստվածքները։
Սպորտային կոշիկների մաքրում․
Բաց գույնի սպորտային կոշիկները կարող են ժամանակից շուտ հայտնվել աղբարկղում: Գաղտնիք չէ, որ սպիտակ հատվածները ժամանակի ընթացքում դեղնում են: Փորձեք այս միջոցը՝ խառնեք ամոնիակի 1:1 լուծույթը ջրի հետ, խոնավացրեք սպունգը և լավ քսեք կոշիկներին: Եթե այս մեթոդը չի տալիս ցանկալի արդյունքը, ապա փորձեք խառնուրդին մի քիչ ատամի մածուկ ավելացնել։
Եթե Դուք ցանկանում եք համատեղել ամոնիակը պատրաստի մաքրող նյութի հետ, ապա անպայման ստուգեք, որ կազմը քլոր չպարունակի: Եթե նյութը հայտնվում է աչքերի մեջ, անմիջապես լվացեք սառը ջրով: Եղեք ուշադիր։
Նյութը հրապարակման պատրաստեց ՆՈՐ ԻՆՖՈ-ն
