Ամերիկահայ հանրաճանաչ ռոք երաժիշտ Սերժ Թանկյանը գրառում է կատարել՝ նշելով, որ ռազմական հանցագործությունների համար Ադրբեջանի նախագահ Իլհամ Ալիևը պետք է կանգնի Հաագայի դատարանի առջև։
«Ադրբեջանը ռազմական գործողությունների ընթացքում թիրախավորում է բնակելի հատվածներն, այնուհետև ասում, որ այնտեղի բնակիչները պետք է ապրեն Ադրբեջանի տիրապետության տակ։ Ադրբեջանի նախագահը ռազմական հանցագործությունների համար կկանգնի Հաագայի դատարանի առջև»,- գրել է Սերժ Թանկյանը։
Այս գրառումից մեկ ժամ առաջ Սերժ Թանկյանը ևս մեկ գրառում էր կատարել։
«Ադրբեջանի կողմից Արցախի քաղաքների նկատմամբ ռազմական հանցագործությունները շարունակվում են այն բանից հետո, երբ Ադրբեջանը Ժնևում համաձայնագիր ստորագրեց քաղաքացիական բնակչությանը հրետակոծության չենթարկելու մասին։ Ստախոսներ, մարդասպաններ, դևեր»,- գրել է Թանկյանը։
