Համաձայն եմ, երբ հոգին հանգստություն է պահանջում, մենք չենք շտապում լցնել ևս մեկ բաժակ սուրճ: Ավելի հաճախ, մենք ուզում ենք հանգիստ գտնել բնության ծոցում ինչ-որ հանգստացնող խմիչքով: Ցանկալի է, որ այն լինի բուրավետ, ունենա բնական գույն և հաճելի համ: Այս դեպքում մենք խորհուրդ ենք տալիս 5 խոտաբույսերից պատրաստված թեյ:
Վերջերս նորաձև է դարձել վայրի ծաղիկներից խմիչքներ պատրաստելը տնային պայմաններում: Բայց քչերը գիտեն, թե ինչպես պետք է դա ճիշտ անեն: Փորձառու այգեպանը, ով բախտ ունի ապրել սոճու անտառի կողքին, այսօր մեզ հետ կիսվել է հետաքրքիր բաղադրատոմսով: Ահա, թե ինչպես է պատրաստվում են այդ բուժիչ թեյն ընդամենը 5 դեղաբույսերից:
Վայրի ծաղկներով պատրաստված խմիչքի առավելությունները․
Դա կարող է լինել թեյի եղանակով պատրաստված թուրմ, լուծույթ կամ ըմպելիք: Սրանցից որևէ մեկի դեպքում օրգանիզմի համար դրա օգուտները անգնահատելի են: Հին Ռուսաստանում վայրի ծաղիկներից խմիչքները օգտագործել են ծանր օրից հետո ուժերը վերականգնելու և անձեռնմխելիությունը ուժեղացնելու համար, դրանք օգտագործվում էին նաև մրսածության բուժման համար:
Ինչպես պատրաստել թեյ 5 դեղաբույսերից․
Անհրաժեշտ է․
- 2 բաժակ ուրց,
- 3 արևքուրիկի ճյուղ,
- 3 թուրինջախոտի ճյուղ,
- 2 դեղատնային երիցուկի ճյուղ,
- 0,5 բաժակ վարդի թերթիկներ։
Պատրաստումը․
Առաջարկում ենք հավաքել այս բույսերից յուրաքանչյուրը քաղաքից և ճանապարհից հեռու գտնվող դաշտում: Այս դեպքում հարկ չի լինի լվանալ հավաքած խոտերը: Նաև ուշադիր ուսումնասիրեք տերևներն ու ծաղիկները: Նրանք պետք է զերծ լինեն վնասվածքներից և վնասատուներից:
Խոտաբույսերը հավաքելուց հետո կտրատեք դրանք մկրատով: Միայն կարող եք թողնել վարդի թերթերը: Բույսերը տարածեք թղթի վրա և չորացրեք: Դա կարող է տևել 1-ից 3 օր:
Նրբորեն չորացրած ծաղիկները լցրեք բանկայի կամ այլ հերմետիկ կոնտեյների մեջ: Դուք կարող եք անմիջապես թեյը թրմեցնել: Պահեք 5 դեղաբույսերով պատրաստված թեյը ոչ ավելի, քան 1 տարի արևի ուղիղ ճառագայթներից հեռու:
Հարկ է նշել, որ նման ըմպելիքի կանոնավոր և երկարաժամկետ օգտագործումը դեպքում, պետք է խորհրդակցեք Ձեր բժշկի հետ: Ի վերջո, հայտնի չէ, թե ինչպես կարձագանքեն թեյի մեջ պարունակվող նյութերը Ձեր օրգանիզմի վրա:
Նյութը հրապարակման պատրաստեց՝ ՆՈՐ ԻՆՖՈ-ն
