Անանուխի յուղ․
Մազերի աճի ամենատարածված և լավ ապացուցված եթերայուղերից մեկը: Այն ոչ միայն ուժեղացնում է արյան շրջանառությունը՝ այդպիսով սնուցելով մազի ֆոլիկուլները, այլև ուժեղացնում է հենց ֆոլիկուլները՝ կանխելով մազաթափությունը: Ավելին, 2014 թ.-ին կորեացի գիտնականները հետազոտություն են անցկացրել, որի ընթացքում նրանք ապացուցել են, որ մեկ ամսվա ընթացքում անանուխի եթերայուղի օգտագործումը կարող է մեծացնել ֆոլիկուլների քանակը, այլ կերպ ասած՝ դրա օգտագործումը ոչ միայն կհասնի մազերի աճի, այլև դրանք ավելի խիտ կլինեն: Բացի այդ, անանուխի եթերայուղը հզոր հակասեպտիկ ազդեցություն ունի և լավ պայքարում է թեփի դեմ:
Օգտագործումը․
Ձեր բազային յուղին (կռատուկ, գերչակի, ձիթապտղի) ավելացրեք 3-5 կաթիլ անանուխի եթերայուղ և խառնուրդը քսեք մազերին: Թողեք այն 20-30 րոպե, ապա լվացեք Ձեր մազերը շամպունով:
Խնկունիի յուղ․
Այս յուղն իսկապես հրաշքներ է գործել, որոնք համեմատելի են հատուկ բուժական պատրաստուկների հետ: Գիտական ուսումնասիրությունները ցույց են տվել, որ խնկունի եթերայուղը նույնքան արդյունավետ է մազաթափության դեմ, որքան մինոքսիդիլը, որը լայն տարածված վազոդիլացնող միջոց է, որը հաճախ նշանակվում է ալոպեկիայի տարածքում աճը խթանելու համար: Խնկունիի յուղը բարելավում է արյան շրջանառությունը, ուժեղացնում է նուրբ փխրուն մազերը` դրանք դարձնելով ավելի խիտ և առաձգական, ինչպես նաև կանխում է վաղ գորշ մազերը:
Օգտագործումը․
Խառնեք 3-5 կաթիլ խնկունի տաքացրած յուղը կոկոսի յուղի հետ և քսեք մազերին: Հագեք գլխարկ, իսկ վերևից սրբիչով փաթաթեք: Թողեք այն 30 րոպե, իսկ հետո լվացեք շամպունով:
Մայրու յուղ․
Այս եթերայուղը հիանալի է նրանց համար, ովքեր տառապում են pH հավասարակշռությունից, օրինակ՝ եթե Դուք ունեք յուղոտ գլխամաշկ և չոր մազեր: Յուղի կանոնավոր օգտագործումը կօգնի հավասարակշռել մաշկը, ինչը անմիջապես կանդրադառնա մազերի գեղեցկության և դրանց երկարության վրա:
Օգտագործումը․
Ձեր շամպունին ավելացրեք մայրու փայտի եթերայուղ (1 կաթիլ 5-6 մլ-ով) և օգտագործեք սովորական եղանակով:
Նարդոսի յուղ․
Չնայած եթերայուղերը հաճախ աշխատում են արյան շրջանառությունը խթանելու համար, նարդոսի յուղը շատ ավելի մեղմ է: Յուղի կանոնավոր օգտագործումը մազերը դարձնում է ավելի փայլուն, խոնավ և առաձգական: Բացի այդ, հավանաբար կնկատեք, որ գլխամաշկն ավելի խոնավ կդառնա:
Օգտագործումը․
5-6 կաթիլ եթերայուղ քսեք փայտե սանրին, իսկ հետո դրանով սանրեք մազերը առնվազն 10-15 րոպե: Խորհուրդ է տրվում իրականացնել նման սանրում քնելուց առաջ:
Խորդենու յուղ․
Այս յուղը խթանում է գլխամաշկի բջիջների վերածնումը, հանգստացնում է քորն ու բորբոքումները, միևնույն ժամանակ ամրացնում է մազերի արմատները: Խորդենու եթերայուղի շնորհիվ մազերը դառնում են ավելի կառավարելի և պակաս խճճված, ինչը նշանակում է, որ դրանք ավելի քիչ են վնասվում և թափվում սանրելիս:
Օգտագործումը․
100 մլ խոտաբույսերի խառնուրդին (երիցուկ / կամ եղեսպակ) ավելացրեք 4-5 կաթիլ խորդենու եթերայուղ: Օգտագործեք ստացված լուծույթը շաբաթը երկու անգամ՝ առանց ողողման:
Զգուշացում․ Ցանկացած եթերայուղ ունի հակացուցումներ, և չնայած մարդկանց ճնշող մեծամասնությունը երբևէ չի զգացել դրանց օգտագործման կողմնակի էֆեկտները, պետք է զգույշ լինել, հատկապես, եթե յուղն առաջին անգամ եք փորձում: Ալերգիկ ռեակցիաները, ինչպես նաև յուղերի գերդոզավորումն ու ոչ պատշաճ օգտագործումը առավել հաճախ տհաճ հետևանքների պատճառն են: Ուստի եթերայուղեր օգտագործելուց առաջ անպայման կարդացեք հակացուցումները և չօգտագործեք յուղեր, եթե զգայուն մաշկ ունեք: Բացի այդ, հղի կանանց խորհուրդ է տրվում օգտագործել եթերայուղեր միայն և բացառապես բժշկի հետ խորհրդակցելուց հետո:
Նյութը հրապարակման պատրաստեց ՆՈՐ ԻՆՖՈ-ն
