Մեզանից ո՞վ չի ցանկանում ունենալ առողջ օրգանիզմ, հավասարակշռված հորմոններ և փայլուն մաշկ: Վստահ եմ, որ բոլորը անկասկած կպատասխանեն այո: Ուզենք, թե չուզենք, մեր հորմոնները վերահսկում են տրամադրությունը, մարսողությունը, էներգիան, լիբիդոն և մաշկի տեսքը:
Եթե մենք չօգտագործենք անհրաժեշտ սննդանյութերը, ապա օրգանիզմը չի կարող պատշաճ կերպով հորմոններ արտադրել և պահպանել հավասարակշռությունը: Եվ մարդուն պարզապես անհրաժեշտ է ածխաջրերի, ճարպերի և սպիտակուցների հավասարակշռություն:
Ճարպը հորմոնալ հավասարակշռության համար ամենակարևոր տարրերից մեկն է: Վերջին տարիներին մեզ հաճախ ասում էին, որ ճարպը վատ նշան է և այն բարձրացնում է խոլեստերինը: Բայց սա վտանգավոր սուտ է: Առողջ ճարպերը օրգանիզմի համար անհրաժեշտ են հորմոնալ մակարդակի ճիշտ պահպանման համար:
Ահա թե ինչու. Հորմոնները օրգանիզմում արտադրվում են որոշակի ճարպաթթուների և խոլեստերինի միջոցով: Եվ եթե մենք անտեսում ենք դրանց օգտագործումը, ապա հորմոնալ խնդիրներ են առաջանում: Մեր մարմնին անհրաժեշտ են որոշակի ճարպեր՝ բջիջները վերականգնելու և հորմոնները կայունացնելու համար: Սա հատկապես կարևոր է կանանց վերարտադրողական համակարգի համար:
Այսպիսով, ինչպե՞ս ճիշտ սնվել՝ հորմոնալ հավասարակշռությունը պահպանելու համար:
Անհրաժեշտ են մաքուր սպիտակուցներով, առողջ ճարպերով կերակուրներ՝ հորմոնները պաշտպանելու համար: Հակաօքսիդիչներով հարուստ բանջարեղենը և բուժիչ խոտաբույսերն ու համեմունքները կօգնեն նաև Ձեր օրգանիզմին:
Մաքուր սպիտակուցը հայտնաբերվել է.
- Ընկույզ,
- Լոբի,
- Ոսպ,
- Հավեր ու հնդկահավեր, նաև տավարի մսի մեջ:
- Ձու,
- Ձուկ։
Հորմոնները հավասարակշռելու համար անհրաժեշտ ճարպերը.
Կոկոսի յուղ (և այս նյութից պատրաստված բոլոր ապրանքները): Այն պարունակում է լաուրաթթու, որը չափազանց օգտակար է մաշկի և հորմոնների արտադրության համար: Բացի այդ, կոկոսի յուղը ոչնչացնում է օրգանիզմի վնասակար բակտերիաները և վիրուսները, էներգիայի հիանալի աղբյուր է, հեշտությամբ կլանվում և արագացնում է նյութափոխանակությունը:
Բուսական ճարպեր․ Դրանք ապահովում են ճարպով լուծվող A, D, E և K2 վիտամինների հարուստ աղբյուր: Այս սննդանյութերը հորմոնների արտադրության հիմնական կառուցվածքներն են: Բուսական ճարպերն ապահովում են բավարար քանակությամբ կարճ և միջնաժամկետ ճարպաթթուներ, որոնք աջակցում են իմունային ֆունկցիային, բարձրացնում նյութափոխանակությունը և ունեն մանրէազերծող հատկություններ: Նրանք պայքարում են օրգանիզմի վնասակար բակտերիաների և վիրուսների դեմ:
Ձվի դեղնուցներ․ Շատ հարուստ են վիտամիններով և հանքանյութերով, ներառյալ` A, D, E, B2, B6, B9, երկաթ, կալցիում, ֆոսֆոր, կալիում, խոլին: Այս նյութերը նաև նպաստում են վերարտադրողական առողջությանը, հորմոնալ հավասարակշռությանը և առողջ մաշկին: Ձվի դեղնուց պարունակվող քոլինն ու յոդը շատ կարևոր են վահանաձև գեղձի հորմոնների համար:
Ընկույզներ և սերմեր․ Բողբոջված սերմեր և ընկույզներ, ձիթապտուղ և ձիթապտղի յուղեր, կտավատի յուղ, խմորված կաթնամթերք:
Հակաօքսիդիչներով հարուստ բանջարեղեն․
- Ընտրեք մուգ կանաչ բանջարեղեն՝ բրոկկոլի, սպանախ, կանաչի, կաղամբ, վարունգ, սպանախ և այլն:
- Ուշադրություն դարձրեք վառ գունավոր բանջարեղենի` կանաչ, կարմիր, դեղին և նարնջագույն բուլղարական պղպեղներին, կարմիր կաղամբին, կարմիր/սպիտակ սոխին, լոլիկին և գազարին:
- Մի մոռացեք օսլա պարունակող բանջարեղենի մասին` քաղցր կարտոֆիլ, կարտոֆիլ, բազուկ, արտիճուկ, շաղգամ:
Բուժիչ համեմունքներ և խոտաբույսեր․
- Դարչին,
- Քրքում,
- Պղպեղ,
- Սխտոր,
- Կոճապղպեղ։
Եթե Ձեր օրգանիզմը ստանում է անհրաժեշտ սննդանյութերը հորմոնները հավասարակշռելու համար, դա միշտ էլ նորմալ կլինի: Ձեր մաշկը կփայլի, իսկ տրամադրությունը միշտ բարձր կլինի: Մեր օրգանիզմն ունի հավասարակշռություն պահպանելու եզակի հատկություն, անհրաժեշտ է միայն ձեռք բերել ճիշտ նյութեր:
Նյութը հրապարակման պատրաստեց՝ ՆՈՐ ԻՆՖՈ-ն