Մենք Ձեզ առաջարկում ենք կոսմետիկ դիմակների բաղադրատոմսեր՝ պատրաստված կավի տարբեր տեսակներից: Լրացուցիչ բաղադրիչների հետ այս դիմակները գրեթե կախարդական ազդեցություն են ունենում: Ընտրեք այն, որը հարմար է Ձեզ:
Կավը կարելի է ձեռք բերել դեղատներում և բնական կոսմետիկայի խանութներում, իսկ լրացուցիչ բաղադրիչները հեշտությամբ կարող եք գնել սովորական մթերային խանութներից կամ դեղատներից:
Նման դիմակների կիրառման վերաբերյալ առաջարկները գրեթե նույնն են:
1. Պատրաստե՛ք դիմակը:
2. Մաքրե՛ք Ձեր դեմքը լոսյոնով կամ մաքուր լվացեք:
3. Կիրառե՛ք դիմակը 25-30 րոպե:
4. Լվացե՛ք տաք ջրով:
5. Եվ կիրառե՛ք ցանկացած խոնավացնող միջոց:
Կարող եք հաջորդաբար տարբեր դիմակներ օգտագործել, բայց շատ մի՛ հոգնեցրեք մաշկը: Կավե դիմակները խորհուրդ չեն տրվում կիրառել շաբաթը 1 անգամից ավել:
Բազմաթիվ դիմակներից մենք առաջարկում ենք ամենատարածվածները և արդյունավետները՝ տարբեր տիպի մաշկերի համար և կավի տարբեր տեսակներից:
- 1. Հակաբորբոքային բուսական դիմակ սպիտակ կավից
Հավասար քանակությամբ այս խոտերի (նարգիզ, կանթեղախոտ, երիցուկ) վրա եռացրած ջուր լցրեք, սառչելուց հետո քամեք: Խառնեք այնքան սպիտակ կավ, մինչև թանձրանա թթվասերի խտության նման: Այս կավե դիմակը կազատի Ձեզ պզուկներից, կվերացնի բորբոքումներից և մաշկի գրգռված վիճակից:
- 2. Սպիտակեցնող դիմակ՝ կապույտ կավից և տոմատից
Կապույտ կավը հայտնի է հիանալի սպիտակեցնող հատկություններով: Այս դիմակը բարելավում է մարմնի, դեմքի և ձեռքերի վրայի պեպենների գույնը: Կապույտ կավը խառնեք տոմատի հյութի և թթվասերի հետ (բոլոր բաղադրիչները հավասար քանակությամբ) :
- 3. Տոնիկ դիմակ՝ դեղին կավից և չիչխանից
1 ճաշի գդալ դեղին կավը խառնեք 1 ձվի հարած դեղնուցի հետ, ավելացրեք 1 թեյի գդալ չիչխանի (օբլիպիխա) յուղ:
- 4. Մաքրող դիմակ՝ լիմոնի հյութից և սև կավից
Սև կավն ավելի լավ է մաքրում մաշկը, քան ցանկացած սկրաբ: Դեմքի դիմակ պատրաստվում է կիտրոնի հյութից (1 թեյի գդալ), նարգիզի թուրմից (1 թեյի գդալ) և սև կավից։ Այս բաղադրիչները պետք է խառնեք այնքան, մինչև ստացվի խիտ զանգված:
- 5. Երիտասարդացնող դիմակ՝ վարդագույն կավից և կաթից
Վարդագույն կավը (1 ճաշի գդալ) խառնեք տաք կաթի հետ, մինչև ձևավորվի թթվասերանման զանգված:
