Կաղամբը շատ սիրված ու տարածված բանջարեղեն է, որն օգտագործվում բազմաթիվ ուտեստներ պատրաստելիս:
Բացի այդ, այն հիանալի մթերք է այն մարդկանց համար, որոնք ցանկանում են ազատվել ավելորդ ճարպաշերտերից, քանի որ համարվում է ճարպերն այրող արդյունավետ միջոց:
Սակայն քչերը գիտեն դրա ամենայուրահատուկ հատկությունների մասին:
Կաղամբը պարունակում է սինիգրին քիմիական տարրը, որը ծծումբ պարունակող նյութ է և գտնում է գիտնականների ուշադրության կենտրոնում, քանի որ համարվում է, որ այն օժտված է հակաքաղցկեղային հատկություններով:
Բացի այդ, կաղամբն օժտված է ևս մի քանի անչափ օգտակար հատկություններով:
Հատկապես առողջարար է կաղամբի հյութը, որը պատրաստելու համար հարկավոր է.
- Ոչ մեծ կաթսայի մեջ 30 րոպե ջուր եռացնել,
- Մի քանի մասի բաժանած կաղամբն ու ջուրը լցնել կոտորակիչի մեջ և մանրացնել (ցածր արագությամբ)
- Խառնել ևս 10 վայրկյան (բարձր արագությամբ), այնուհետև խառնուրդը լցնել ապակյա տարրայի մեջ,
- Տարրան ամուր փակել պոլիէթիլենային թաղանթով և 3 օր թրմել խառնուրդը սենյակային ջերմաստիճանում,
- Թրմելուց հետո խառնուրդը զտել և ստացված հեղուկը լցնել մեկ այլ տարրայի մեջ:
Կաղամբի հյութի օգտակար հատկությունները
Բարելավում է մարսողությունը
- Կաղամբը և դրա հյութը պարունակում են սննդային մանրաթելեր, որոնք շատ օգտակար են աղեստամոքսային համակարգի համար և նպաստում են մարսողության բարելավմանը:
Ամրապնդում է իմունային համակարգը
- Կաղամբի հյութը հարուստ է ամինաթթուներով, վիտամիններով ու հանքանյութերով, ուստի անչափ օգտակար է և օգնում է շատ ավելի արագ ազատվել վարակներից:
Ամրացնում է ոսկորները
- Կաղամբի հյութում պարունակվող հանքանյութերը նպաստում է ոսկրային հյուսվածքների ամրապնդմանը:
Օգնում է պայքարել քաղցկեղի դեմ
- Այս հյութը պարունակում է հակաօքսիդանտներ, որոնք օգնում են պայքարել քաղցկեղածին քիմիական նյութերի դեմ:
Նվազեցնում է բորբոքումները
- Ուսումնասիրությունները ցույց են տվել, որ այս հյութը նպաստում է վազոկոնստրիկցիային՝ անոթների սեղմվելուն, ինչն էլ օգնում է նվազեցնել բորբոքումները:
Բարելավում է սրտանոթային համակարգի աշխատանքը
- Կաղամբում պարունակվող մանրաթելերն անչափ առողջարար են սրտի համար և օգնում են կարգավորել օրգանիզմում խոլեստերինի մակարդակը:
Բարելավում է տեսողությունն ու մաշկի որակը
- Այս բանջարեղենը հարուստ է վիտամին A-ով, ինչի շնորհիվ օգնում է բարելավել տեսողությունն ու մաշկի որակը:
Նյութը հրապարակման պատրաստեց Positive-ը