Սովորական դափնու տերևն օգնում է ինձ վերականգնել մաշկի առաձգականությունն ու թարմությունը: Ես այն օգտագործում եմ ոչ միայն որպես համեմունք, այլ նաև կոսմետիկ նպատակներով (դեմքի դիմակների, լոսյոնների, մազերին փայլ հաղորդելու համար):
Դեմքիս մաշկի գեղեցկությունը պահպանելու համար թանկ միջոցները փոխարինում եմ ձեռքիս տակ եղած մատչելի ապրանքներով, որոնք նույնպես արդյունավետ են:
Ինչպե՞ս օգտագործել դափնու տերևը․
Դափնու տերևը հիանալի տոնայնացնում է մաշկը, պայքարում ազատ ռադիկալների դեմ, երկարացնում երիտասարդությունը: Այն նույնպես օգտակար է մազերի համար:
Յուրաքանչյուր անգամ գլուխը լվանալուց հետո, որպեսզի մազերն առողջ, խիտ տեսք ունենան, ես ողողում եմ դափնու տերևների բուժիչ խառնուրդով:
Այս թուրմն օգտագործում եմ նաև դեմքի և պարանոցի հատվածների համար՝ որպես թարմացնող տոնիկ վաղաժամ կնճիռների առաջացման դեմ: Դրա համար անհրաժեշտ կլինի 10 գրամ դափնու տերև և 200 գրամ եռացող ջուր: Այս խառնուրդը թրմեցնում եմ 2 ժամ:
Հետո այս թուրմով բամբակյա բարձիկների օգնությամբ սրբում եմ դեմքս և պարանոցս օրը 2 անգամ մեկ շաբաթ, առավոտյան և երեկոյան, նախքան կրեմ քսելը:
Թուրմը պահում եմ զով տեղում (սառնարան): Այս խառնուրդը կարելի է օգտագործել մազերը ողողելու համար՝ կես կիտրոնի հյութ ավելացնելով: Այն պայքարում է մաշկի բորբոքային ցանի, պզուկների դեմ:
Ինչպես պատրաստել դեմքի, պարանոցի և ձեռքի դիմակ․
Անհրաժեշտ է մանրացնել 8 գրամ դափնու տերևը, չոր զանգվածը լցնել ձիթապտղի յուղի մեջ 100 գրամի չափով, ապա ավելացնել 2 ճաշի գդալ վարսակի ալյուր:
Այնուհետև անհրաժեշտ է խառնել բաղադրիչները, տասնհինգ րոպե դիմակը քսել դեմքի և պարանոցի մաքուր մաշկի վրա (կարող եք նաև ձեռքերին):
Պահանջվում է կրկնել ընթացակարգը շաբաթական 2 անգամ:
Յուղ դափնի տերևից․
Դափնու տերևից բուժիչ յուղը կարելի է պատրաստել տանը: Այս միջոցը կօգնի ազատվել թեփից և գլխամաշկի բորբոքումից: Ձեզ հարկավոր է 100 գրամ ձիթապտղի յուղ և 15 գրամ մանրացրած դափնու տերևներ: Պատրաստված զանգվածը պետք է մի քանի օր թրմեք մութ տեղում: Դրանից հետո խառնուրդը պետք է զտվի և պահվի սառնարանում:
Յուղն օգտագործելուց առաջ անհրաժեշտ է մի փոքր տաքացնել, ապա քսել մազերի արմատներին, մի ժամ հետո լվանալ:
Նյութը հրապարակման պատրաստեց՝ ՆՈՐ ԻՆՖՈ-ն