Հնդկաստանում ընդունված է ամեն անգամ ճաշից և ընթրիքից հետո ծամել սամիթի սերմեր։ Քանի, որ նրանք պարունակում են շատ օգտակար հանքանյութեր՝ եթերային յուղ, ճարպային թթուներ, սպիտակուց և այլն։
Այս սերմերի միզամուղ հատկությունն օգնում է օրգանիզմից դուրս բերել ավելորդ հեղուկն ու ազատվել այտուցվածությունից։ Սամիթի սերմերը լավացնում է մարսողությունը, արագացնում նյութափոխությունը,որի հետևանքով այրվում են ավելորդ ճարպերը, ինչն էլ իր հերթին օգնում է իջեցնել խոլեստերինի մակարդակը և օրգանիզմն ավելի զգայուն դարձնել ինսուլինի հանդեպ։
Դրա հետևանքով կարողանում են նվազեցնել շաքարի բարձր մակարդակն արյան մեջ։
Անհրաժեշտ է աղալ սամիթի սերմերը և 1թ․գդալ սերմը թրմել 200գր․ եռացրած ջրով։ Այն թողնել 10 րոպե։ Ստացված ըմպելիքը խմել օրական 2 անգամ դատարկ ստամոքսին։
Մարսողությունը կարգավորելու և փորկապությունից ազատվելու համար անհրաժեշտ է օրվա ընթացքում մի քանի անգամ ծամել սերմերը։
Արյան բարձր ճնշումը կարգավորելու համար պետք է օրական մի քանի անգամ լավ ծամել սամիթի սերմերը։ Այն թեթևացնում է սրտի մկանների վրա բեռը, որի շնորհիվ էլ հաջողվում է կարգավորել արյան ճնշումը։
Սերմերով կարելի է պատրաստել դեմքը մաքրող միջոց, որի շնորհիվ դեմքի մաշկն ավելի թարմ տեսք կունենա։
1թ․գ․ սերմը լցնել թերմոսի մեջ, վրան լցնել 0,5լ եռացրած ջուր։ Թողնել մի քանի ժամ, այնուհետև քամել և պահել սառնարանում։ Ստացված թուրմը բամբակե բարձիկով քսել դեմքին, թողնել 15րոպե և լվացվել։