Պարետ Տիգրան Ավինյանը տեղեկացնում է

Պարետ Տիգրան Ավինյանն այսօր ճեպազրույցի ժամանակ հայտարարեց, որ թեստավորումների ծավալը մեծացնելուն ուղղված աշխատանքները շարունակվում են:

«Առողջապահական համակարգն այս պահին սպասարկում է բավականին մեծ ծավալով դեպքերի, նաև փոփոխվել է դեպքերի ցուցումները, թե ինչ դեպքեր է սպասարկելու համակարգը: Այնուամենայնիվ, ծանր և ծայրահեղ դեպքերը սպասարկվում են առողջապահական համակարգի միջոցով, և այս կարողությունները շարունակաբար զարգացվում են»,- ասաց Տ. Ավինյանը:

Նա նշեց, որ նախաձեռնել են նաև թեստավորման արտադրություն ՀՀ-ում, ներկրված 100 հազար ռեագենտների թեստերի արտադրությունն արդեն իսկ մեկնարկել է և վաղն առաջին խմբաքանակը՝ 350 թեստ, հանձնվելու է Համաճարակների վերահսկման և կանխարգելման ազգային կենտրոնին: «Մոլեկուլային կենսաբանության ինստիտուտի կարողությունները գնահատվում են հետևյալ կերպ՝ օրական 3000-5000 կարող է արտադրել այդ ինստիտուտը, որը հետագայում հնարավորություն է ստեղծելու բավարարել մեր իսկ պահանջարկը»,- ասաց նա:

Երկրորդ կարևոր փուլն, ըստ պարետի, եղել է մինչև մայիս ամսվա ավարտը. «Սահմանափակումների ռեժիմի վերադարձն, իհարկե, ծայրահեղ մեթոդ է և այս փուլում նմանատիպ որոշման կամ քննարկման առարկա դեռևս չունենք»,- նշեց նա:

Տիգրան Ավինյանի փոխանցմամբ՝ օդային հաղոդակցության բացման նախնական ժամկետներն ամառվա կեսերին են.«Համապատասխան կանոններ կմշակվեն, որոնք հնարավորինս կնվազեցնեն վարակի տարածման ռիսկը, երբ խոսքը գնում է զբոսաշրջության ոլորտի մասին»,-ասաց նա:

աղբյուր

(Visited 165 times, 1 visits today)
Понравилась статья? Поделиться с друзьями: