Հանրապետության հրապարակում հանրահավաքի ժամանակ Նիկոլ Փաշինյանն ասաց, որ ինչպես և նախկինում, իրենք պատրաստակամություն են հայտնում շարունակել բանակցային գործընթացը իրենց առաջարկած օրակարգի շրջանակներում:
Փաշինյանը հայտարարեց, որ վաղը՝ ժամը 12։00-ին, Կարեն Կարապետյանին հրավիրում է «Մարիոթ» հյուրանոց՝ սկսելու բանակցային գործընթացի երկրորդ փուլը։
Սակայն նա նշեց, որ կա մեկ կոնկրետ պայման. Կարեն Կարապետյանի հետ բանակցությունը, ինչպես Սերժ Սարգսյանի հետ, ծայրից ծայր պետք է լինի լրագրողների ներկայությամբ, որ հանրությունը տեղյակ լինի, թե ինչ են քննարկում:
«Մենք ՀՀԿ-ի հետ փակ դռների հետևում չենք բանակցելու, այլ ժողովրդի աչքի առաջ», -ասաց նա:
