Փորկապությունը շատ տհաճ ախտանշան է, որը կարող է վկայել աղիների աշխատանքի լուրջ խանգարումների մասին: Այս խնդիրն առավել հաճախ ի հայտ է գալիս կանանց մոտ և առաջացնում է բազմաթիվ տհաճ զգացողություններ: Բացի այդ, քչերը գիտեն, որ փորկապությունը կարող է դառնալ նաև բազմաթիվ վտանգավոր հիվանդությունների առաջացման պատճառ: Օրինակ՝ այս խնդրից ժամանակին չազատվելը կարող է հանգեցնել դիվերտիկուլյոզի առաջացման, ինչը կարող է խիստ վտանգավոր լինել:
Երբ օրգանիզմում խանգարվում է մարսողության գործընթացը, կղանքը սկսում է կուտակվել հաստ աղիքում, ինչի հետևանքով խանգարվում է դեֆեկացիայի ակտը, առաջանում են սաստիկ գլխացավեր, որովայնային ցավեր, բերանի խոռոչի տհաճ հոտ և մի շարք այլ տհաճ ախտանշաններ: Ընդ որում՝ որքան երկար ժամանակ մարդը չկարգավորի աղիների աշխատանքը, այնքան ավելի ակնհայտ կդառնան այս ախտանշանները:
Գոյություն ունեն սննդամթերքի որոշ տեսակներ, դեղամիջոցներ ու բուժման այլ մեթոդներ, որոնք կօգնեն ազատվել փորկապությունից ու կարգավորել աղիների աշխատանքը, սակայն ի տարբերություն դեղորայքի՝ բուժման բնական միջոցները ոչ միայն շատ արդյունավետ են, այլև չեն պարունակում քիմիական վնասակար տարրեր և չեն առաջացնում կողմնակի բարդություններ:
Ձեր ուշադրությանն ենք ներկայացնում մի բնական միջոց, որը կօգնի հեշտությամբ ազատվել այս խնդրից: Ընդ որում՝ այս դեղամիջոցը ոչ միայն կարգավորում է աղիների աշխատանքը, այլև մաքրում է օրգանիզմը տոքսիններից ու շլակներից և թույլ է տալիս ազատվել մինչև 9 կգ ավելորդ քաշից:
Աղիների աշխատանքը կարգավորելու և մարսողությունը բարելավելու համար հարկավոր է պարբերաբար մաքրել աղեստամեոսային տրակտը, իսկ այս բնական միջոցն օժտված է լուծողական ազդեցությամբ, ինչի շնորհիվ արդյունավետ կերպով մաքրում է հաստ աղիքն ու ազատում է ավելորդ կիլոգրամներից:
Բաղադրությունը.
· 2 ճաշի գդալ հալվե վերայի գել,
· 1 հատ կիտրոն,
· 1 լիտր ջուր,
· մեղր (ըստ ցանկության և ըստ ճաշակի):
Պատրաստման եղանակը.
Դեղամիջոցը պատրաստելու համար հարկավոր է քամել կիտրոնի հյութը, այնուհետև ավելացնել ստացված հյութը հալվեի գելին և կոտորակիչով լավ խառնել՝ դանդաղ ավելացնելով նաև 2 բաժակ ջուր: Երբ ստացվի համասեռ զանգված, հարկավոր է ավելացնել նաև մնացած ջուրը և կրկին խառնել:
Այս խառնուրդի համը կարող է մի փոքր տհաճ լինել, ուստի ցանկության դեպքում կարելի է ավելացնել նաև որևէ բնական քաղցրացուցիչ (օրինակ՝ մեղր):
Օգտագործման եղանակը.
Այս ըմպելիքը հարկավոր է ընդունել օրական 3 անգամ մեկական բաժակ դատարկ ստամոքսին: Այն հարկավոր է խմել առավոտյան արթնանալուն պես, այնուհետև ճաշից առնվազն 30 րոպե առաջ և ևս մի բաժակ երեկոյան:
Սակայն հարկ է հիշել, որ ցանկացած ժողովրդական միջոց օգտագործելուց առաջ անհրաժեշտ է խորհրդակցել բժշկի հետ, քանի որ ինքնաբուժությունը կարող է վտանգավոր լինել և էլ ավելի վատացնել հիվանդի վիճակը:
Նյութի աղբյուրը՝ budetezdorovy.ru
